Հայացք Մոսկվայից. Կովկասյան օրակարգը միանձնյա որոշել Ռուսաստանին թույլ չեն տալիս բավական թույլ դիրքերը Կովկասում
Արմինֆո. Կովկասյան օրակարգը միանձնյա որոշել Ռուսաստանին թույլ չեն տալիս բավական թույլ դիրքերը Կովկասում, ԱրմԻնֆո-ին այդպիսի կարծիք է հայտնել ՌԳԱ Արևելագիտության ինստիտուտի գիտաշխատող, քաղաքագետ Ալեքսանդր Սկակովը:
«Անշուշտ, առաջիկա հինգ տարում հենց Ռուսաստանի դիրքորոշմամբ բավական շատ բան պայմանավորված կլինի ղարաբաղյան հակամարտության կարգավորման շուրջ: Եվ, այնուամենայնիվ, այդ դիքորոշումն ամենևին տարածաշրջանային օրակարգի միակ որոշիչ գործոնը չէ: Տարածաշրջանում, վերջիվերջո, կան նաև այլ շատ կարևոր աշխարհաքաղաքական, այդ թվում գլոբալ խաղացողներ՝ ԱՄՆ, ԵՄ, Իրան և Թուրքիա»,- ընդգծել է քաղաքագետը:
Այս առումով Սկակովն ընդգծել է Ադրբեջանի դերը, որը փորձում է ինքնուրույն քաղաքական գիծ իրականացնել՝ դեպի Թուրքիա առաջնային կողմնորոշմամբ: Ըստ նրա, դա ևս մեկ պատճառ է՝ Հարավային Կովկասում Մոսկվային ձգողության միակ կենտրոնը չհամարելու համար:
Մեկնաբանելով Հայաստանի զբաղեցրած դերը նման դասավորությունում՝ քաղաքագետն ընդգծել է Մոսկվայի շահագրգռվածությունը հանրապետությունում կայունության պահպանման հարցում: Ըստ նրա, Հայաստանում կայունությունն ամենահավանական սցենարն է, ըստ որում՝ պայմանավորված իշխանության նկատմամբ հասարակության վստահության մեծ պաշարի առկայությամբ:
«Վստահության նման մեծ պաշարի բացակայությունն էլ, ի թիվս այլ բաների, լրջորեն մտահոգում է Մոսկվային: Այս առումով մեզ մտահոգում է ոչ այնքան այն, թե ով 2018 թվականին կլինի վարչապետի կամ նախագահի պաշտոնում, մեզ մտահոգում է Հայաստանում կայունության պահպանումը»,- ամփոփել է Սկակովը: