Եգանյան. 2017 թ. առաջին կիսամյակում Հայաստանում ապաստան է խնդրել Ադրբեջանի հինգ քաղաքացի
Արմինֆո.2017 թ. առաջին կիսամյակում Հայաստանում ապաստան է խնդրել Ադրբեջանի հինգ քաղաքացի, այսօր լրագրողների հետ հանդիպմանը հայտարարել է ՀՀ տարածքային կառավարման և զարգացման նախարարության միգրացիոն պետական ծառայության պետ Գագիկ Եգանյանը:
Նա տեղեկացրել է, որ մի դեպքում խոսքը վերաբերում է Ադրբեջանում «Թալիշի Սադո» թերթի թղթակից, թալիշական ազատագրական շարժման մասնակից Շահին Միրզոևի՝ 4 հոգուց բաղկացած ընտանիքին: «Ներկայումս Միրզոևի ընտանիքի լքել է Հայաստանի տարածքը՝ ՄԱԿ-ի աջակցությամբ մեկնելով երրորդ երկիր: Միրզոևի կինը, ով տառապում էր ուռուցքային հիվանդությամբ, մահացել է և թաղվել Հայաստանում: Ադրբեջանի ևս մեկ քաղաքացի գտնվում է Հայաստանի տարածքում»,-ասել է Եգանյանը: