Վերին Լարս անցակետը բաց է բոլոր տեսակի ավտոմեքենաների համար
Արմինֆո.Համաձայն Դոնի Ռոստովում ՀՀ գլխավոր հյուպատոսությունից ստացված տեղեկատվության՝ Վերին Լարս անցակետն արդեն բաց է բոլոր տեսակի ավտոմեքենաների համար: Այդ մասին ԱրմԻնֆո-ին հայտնել են ՀՀ ԱԳՆ մամուլի ծառայությունից:
Նշենք, որ Ստեփանծմինդա-Լարս ավտոճանապարհը երեկվանից փակ էր բոլոր տեսակի տրանսպորտային միջոցներիհամար: ՌԴ ԱԻՆ Հարավային Օսեթիայի ՃԿԿ-ից ստացված տեղեկատվության համաձայն՝ ռուսական կողմում կուտակվել է 282 տրանսպորտային միջոց, որից 247-ը բեռնատար, 32 մարդատար ավտոմեքենա և 3 ավտոբուս: