GeoProMining Gold ընկերությունը ճանաչվել է Հայաստանի Արարատի մարզի բարերար
Արմինֆո.GeoProMining Gold ընկերությունը, որը մտնում է ռուսաստանյան GeoProMining հանքարդյունահանող ընկերությունների խմբում, ճանաչվել է Հայաստանի Արարատի մարզի գլխավոր բարերար: Ինչպես ԱրմԻնֆո-ի թղթակցի հետ զրույցում հայտարարել է ընկերության արտաքին քաղաքականության և կորպորատիվ սոցիալական պատասխանատվության դեպարտամենտի ղեկավար Ռուզաննա Գրիգորյանը, GeoProMining Gold ընկերությունը մարզում իրականացնում է մի շարք համալիր միջոցառումներ, «Ռեսուրսներ ի շահ» կորպորատիվ սոցիալական պատասխանատվության իր հայեցակարգի շրջանակներում:
Ընկերության վերջին ծրագրերն են`Արարատ համայնքի ուսանողներին տրամադրել անվճար ուղևորությունների ավտոբուս, Երևանի ԲՈւՀ-եր գնալու և աղբահանության համար սարքավորումների գնման համար Արարատ քաղաքում: Բացի այդ, ընկերությունը նմանատիպ իրադարձություններ է իրականացնում նաև այլ մարզորում`Վարդենիսում, որտեղ նրան է պատկանում է Սոթքի ոսկու հանքավայրը, և Ագարակում, որտեղ ընկերությանն է պատկանում Ագարակի պղնձա-մոլիբդենային կոմբինատը: Ըստ Գրիգորյանի, Հայաստանում իր գործունեության առաջին տարիներից ընկերությունն ակտիվորեն աջակցում համայնքներին տրանսպորտի, քաղաքաշինության, հիգիենայի ստանդարտների պահպանման, ինչպես նաև քաղաքների և գյուղերի էլեկտրականացման, ջրամատակարարման, գազիֆիկացման հարցերում, վերանորոգման և կառուցման աշխատանքներ իրականացնելով այդնիսի ենթակառուցվածքներում, ինչպիսիք են` մանկապարտեզները, մշակույթի տները, հիվանդանոցները և դպրոցները: «Ուշադրության կենտրոնում են նաև ուսումնական գործընթացները, մենք ամեն տարի կրթաթոշակային ծրագրեր ենք հովանավորում ռուսաստանյան և միջազգային համալսարաններում սովորող ուսանողների համար, պատվիրում ենք զարգացող հանրագիտարանային, գիտա-կրթական և ուսումնական գրականություն, աջակցում մշակութային միջոցառումները: Օգնություն է ցուցաբերվում հաշմանդամ երեխաներին, անապահով ընտանիքների երեխաներին, ինչպես նաև Արցախյան պատերազմի վետերաններին և զոհվածների ընտանիքներին», - ասել է փորձագետը:
Գրիգորյանը նշել է, որ ընկերության բարի ավանդույթներից է նաև Նոր Տարվա տոնակատարությունը: «Ամանորյա տոները մեր ընկերության կողմից ընդունված է լայնորեն տոնել: Ամեն տարի մենք ոչ միայն շնորհավորում ենք մեր աշխատակիցներին և նրանց ընտանիքներին, այլ նաև փորձում ենք ուշադրություն դարձնել բոլոր կարիքավորներին: Օգտվելով առիթից, կուզենայի շնորհավորել մեր գործընկերներին Ամանորի կապաակցությամբ, որպեսզի 2018 թվականին հաջողությունը թակի յուրաքանչյուր տուն»:
Հիշեցնենք, որ GeoProMining- ը Հայաստանում խոշորագույն ներդրողներից է, և 2017 թվականին տոնում է իր գործունեոթյան 10-ամյակը: 2007 -ին, ընկերությունը ձեռք բերեց առաջին խոշոր ակտիվը Հայաստանում` GPM GOLD ընկերությունը, որը շահագործում է Սոթքի ոսկու հանքավայրը և կառավարում Արարատի ոսկու կորզման գործարանը, իսկ ավելի ուշ`նաև Ագարակի պղնձա-մոլիբդենային կոմբինատը (Ագարակի ՊՄԿ):
Ինչպես ավելի վաղ ԱրմԻնֆո-ի հետ զրույցում հայտարարել էր Խմբի ղեկավար Ռոման Խուդոլին, «հասկանալով, որ մեր ձեռնարկություններն ունեն քաղաքաստեղծ բնույթ, 2011 թվականին ընկերությունն առանձին նախագծերից անցավ համալիր ծրագրերին, ընդգրկելով սոցիալական կյանքի բոլոր ասպեկտները, սկսած աշխատակիցների նկատմամբ ուշադրությունից և վերջացրած շրջակա միջավայրի վրա արտադրության ազդեցությունը նվազագույնի հասցնելով: Մենք մշտապես համագործակցել պետական և տեղական ինքնակառավարման մարմինների հետ, որոնք մեզ հնարավորություն են տալիս առավելագույնս արձագանքել մարզերի բնակիչների կարիքներին, բարեգործական միջոցներն ուղղել այն ծրագրերին, որոնք առավել կարևոր են տեղական բնակչությանը»: Նրա խոսքերով, Հայաստանում իր գործունեության 10 տարիներին ընկերությունը տարբեր սոցիալական ծրագրերին և բարեգործությանն է ուղղել ավելի քան 8 մլն ԱՄՆ դոլար: