Շարմազանով. Հայ-ամերիկյան հարաբերությունները չեն տուժի ՄԱԿ-ում Երուսաղեմի հարցով Երևանի քվեարկությունից
Արմինֆո. ՄԱԿ-ում Երուսաղեմի հարցում Հայաստանի քվեարկությունը բխում էր երկրի ազգային շահերից: Այս մասին Երևանում կայացած մամուլի ասուլիսում հայտարարել է ՀՀ խորհրդարանի փոխխոսնակ, ՀՀԿ մամուլի քարտուղար Էդուարդ Շարմազանովը:
Պատասխանելով հարցին, թե ինչու Հայաստանը ձեռնպահ չմնաց այս հարցի քվեարկությունից, ինչպես օրինակ, հարևան Վրաստանը, և արդյոք չեն վատանա Երևանի և Վաշինգտոնի հարաբերությունները, Շարմազանովն ասել է. «Վրաստանն ունի իր սեփական առաջնահերթությունները, Հայաստանն ունի իրը: Հայաստանը ՄԱԿ-ում քվեարկել է, ելնելով բանակցային գործընթացի տրամաբանությունից, ՄԱԿ բանաձևերից և իր ազգային շահերից: Մենք չպետք է նպաստենք քայլերին, որոնք լրացուցիչ լարվածություն կստեղծեն Երուսաղեմում, որոնք հակասում են հայ համայնքի շահերին»: Նա ընդգծել է, որ Հայաստանը քաջ գիտակցում է տարբեր հարցերի շուրջ միջազգային ձևաչափերի և պայմանավորվածություների պահպանման անհրաժեշտությունը, ներգրավված լինելով ղարաբաղյան կարգավորման բանակցային գործընթացում: «Մենք կոչ ենք անում միջազգային հանրությանը պահպանել ձեռք բերված պայմանավորվածություններն ընդունված ձևաչափում, և ինչպես կարող ենք այլ կերպ գործել նման իրավիճակներում», - ասել է փոխխոսնակը
Միևնույն ժամանակ, նա որևէ մտահոգություն չի արտահայտել հայ-ամերիկյան հարաբերությունների հնարավոր վատթարացման առնչոթյամբ, ՄԱԿ-ում Հայաստանի վերջին քվեարկության ֆոնի վրա: «Հայ-ամերիկյան հարաբերությունները գտնվում են բարձր մակարդակի վրա, և մենք պետք է ջանքեր գործադրենք դրանց հետագա ակտիվացման ուղղությամբ», - ասել է նա, հավելելով, որ Երուսաղեմի հարցի շուրջ Երևանի դիրքորոշումը ՄԱԿ-ում Հայաստանի ազգային շահերին ոչինչ չի սպառնում, քանի որ նա վարվել է այնպես, ինչպես կվարվեինբ կազմակերպության անդամ շատ երկրները:
Նշենք, որ ՄԱԿ-ում Հայաստանը կողմ է քվեարկել ՄԱԿ-ի Գլխավոր վեհաժողովի բանաձևին, որով հաստատվում է Երուսաղեմի հատուկ կարգավիճակը՝ այդպիսով անիրական ճանաչելով ԱՄՆ նախագահ Դոնալդ Թրամփի որոշումը:
Ավելի վաղ Թրամփը հանդես էր եկել հայտարարությամբ, ԱՄՆ կողմից Երուսաղեմը ճանաչելով որպես Իսրայելի մայրաքաղաք: Հայտարարությունն արժանացավ միջազգային հանրության բացասական գնահատականին, բացառությամբ մի քանի երկրների: