ՀՀ ԿԲ-ն հաստատել և գրանցել է «ԱՐԴՇԻՆԲԱՆԿ» ՓԲԸ և «ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ» ՓԲԸ միացման պայմանագիրը
Արմինֆո.ՀՀ կենտրոնական բանկի խորհուրդը հունվարի 10-ին հաստատել և գրանցել է «Արդշինբանկ» ՓԲԸ-ի և «Առէկսիմբանկ-Գազպրոմբանկի խումբ» ՓԲԸ-ի միացման պայմանագիրը: «Արդշինբանկ» ՓԲԸ-ն և «Առէկսիմբանկ-Գազպրոմբանկի խումբ» ՓԲԸ-ն իրականացրել են միացման պայմանագրով նախատեսված գործողությունները և հաստատել են փոխանցման ակտը: Արդյունքում՝ ՀՀ կենտրոնական բանկը 13.01.2017թ. գրանցել է փոխանցման ակտը և «Արդշինբանկ» ՓԲԸ-ի կանոնադրությունում կատարված փոփոխությունը, համաձայն որի՝ «Առէկսիմբանկ-Գազպրոմբանկի խումբ» ՓԲԸ-ի գործունեությունը կդադարի, իսկ «Արդշինբանկ» ՓԲԸ-ն կհանդիսանա «Առէկսիմբանկ-Գազպրոմբանկի խումբ» ՓԲԸ-ի իրավահաջորդը: ՀՀ կենտրոնական բանկի խորհուրդը 13.01.2017թ. նաև ուժը կորցրած է ճանաչել «Առէկսիմբանկ-Գազպրոմբանկի խումբ» ՓԲԸ-ի բանկային գործունեության թիվ 80 լիցենզիան:
«Արդշինբանկ» ՓԲԸ և «Առէկսիմբանկ-Գազպրոմբանկի խումբ» ՓԲԸ հաճախորդներն սպասարկվում են «Արդշինբանկ» ՓԲԸ կողմից բնականոն կերպով՝ կնքված պայմանագրերի շրջանակներում:
«Արդշինբանկ» ՓԲԸ, այդ թվում «Արդշինբանկ» ՓԲԸ կազմում ընդգրկված «Առէկսիմբանկ-Գազպրոմբանկի խումբ» ՓԲԸ մասնաճյուղերի կոնտակտային տվյալներին կարող եք ծանոթանալ այցելելով www.ardshinbank.am ինտերնետային կայք: