Новости за 04.12.2019

Татарстанның Яшел Үзән шәһәрендә бәхәсле йортта яшәүчеләр шәһәр хакимиятен йортны тартып алу өчен ул йортны махсус рәвештә каза хәленә китерүдә гаепли.

Прокурор Югары икътисад мәктәбе (ВШЭ) студенты Жуковның YouTube каналында урнаштырылган роликларында хакимиятне көч белән яулап алуга һәм кораллы баш күтәрүгә чакыру бар дип саный.

Мәскәү тарафыннан билгеләнгән Кырым республикасы җитәкчесе Сергей Аксенов 4 декабрьдә яңа хөкүмәтнең алты министрын билгеләде. Дәүләт вазифасына бәйгеләрдә катнашкан Татарстан вәкилләре алар арасында юк.

"Зөләйха" китабы соңгы тапкыр моннан бер гасыр элек чыккан булган. Китапны бастыру эшен "Азатлык" татар яшьләре берлеге башлап йөрде.

Татарстан феминистлары хәрәкәте активистлары Татарстан хөкүмәтендә хатын-кызлар аз ди. Алар Азатлыкка ислам феминизмы һәм татар хатын-кызларының хокуклары бозылу очраклары турында сөйләде.

Сигез хезмәттәшен атып үтерүдә гаепләнүче Рамил Шәмсетдинов хезмәт иткән хәрби бүлек таратылачак. Русия саклану министрлыгы ул урында Көнчыгыш хәрби бүлгесенең башка бүлеген урнаштырырга ниятли.

Куштау шиханын якларга чакырып Кызыл мәйданда видео төшергән вакытта башкорт активистлары Рәмилә Сәетованы һәм аның хезмәттәшен полиция хезмәткәрләре тоткарлаган.

4 декабрь татар халкы Тинчурин театры йолдызы, 55 ел гомерен шул театрга багышлаган Исламия Мәхмүтова белән хушлашты. РСФСРның атказанган, Татарстанның халык артисты Исламия Мәхмүтова 3 декабрь көнне 76 яшендә каты авырудан соң вафат булды.

Бу канун өлгесе сентябрь аенда Сенатта кабул ителгән һәм Пекин тарафыннан кискен хөкем ителгән канунның күпкә кырысрак варианты

Мәскәү мөфтие Илдар Әләүтдинов Кытайның Синҗан төбәгенә дин ягыннан кысуларга дучар ителгән уйгырларга бөтен мөселман дөньясы берләшеп ярдәм күрсәтергә кирәк дип белдерде.

АКШ Конгрессының Вәкилләр пулаты Русиянең G7 төркеменә кушылуына каршы тавыш бирде. Мондый карарның сәбәбе дип Мәскәүнең “үз күршеләренең территориаль бөтенлеген хөрмәт итмәве һәм демократик җәмгыятьләр стандартлары белән санлашмавы” аталды.

4 декабрь иртәсендә Пермь шәһәрендә ир-ат урамда мылтыктан ут ачып, бер кешене үтергән. Ике кеше, шул исәптән Росгвардия хезмәткәре тән җәрәхәтләре алган.

Германия прокуратурасы Берлинда Грузия ватандашы Зәлимхан Хангошвилины үтерүдә Русиянең катнашы булу ихтималы турында белдерә. Бу расланса, Германия Русиягә карата чикләүләр кертергә мөмкин.

Татарстанның Инвестиция үсеше агентлыгы игълан иткән дәүләт сатып алу документында республикада хәләл сертификациясе узган биш шифаханә булдыру турында сүз бара.

Зәйнәб Биишева исемендәге Башкортстан "Китап" нәшрияты – 100, Башкортстан Язучылар берлеге 85 еллыгын билгеләде.