ՖԻԴԵ․ Հայ շախմատիստների դիրքերը
Շախմատի միջազգային ֆեդերացիան (ՖԻԴԵ) հրապարակել է շախմատիստների ամենամսյա դասակարգման աղյուսակը։
Առաջատարի դիրքը պահպանել է աշխարհի 16-րդ չեմպիոն, նորվեգացի Մագնուս Կառլսենը (2835)։ Երկրորդ տեղում ԱՄՆ-ի ներկայացուցիչ Ֆաբիանո Կարուանան է, իսկ լավագույն եռյակը եզրափակում է աշխարհի նորընծա չեմպիոն, չինացի Դին Լիժենը։
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը 23-րդ տեղում է:
100 ուժեղագույն շախմատիստների թվում Հայաստանն ունի 4 ներկայացուցիչ. Հայկ Մարտիրոսյանը 2708 վարկանիշով 34-րդն է, Գաբրիել Սարգսյանը (2686) 48-րդն է, Հրանտ Մելքումյանը (2650) 94-րդն է, իսկ Կարեն Գրիգորյանը (2646) 97-րդն է։
Կանանց դասակարգման աղյուսակում Էլինա Դանիելյանը (2413) 43-րդն է, Լիլիթ Մկրտչյանը (2387)՝ 64-րդը, Աննա Սարգսյանը (2364)՝ 89-րդը, իսկ Մարիամ Մկրտչյանը (2347)՝ 100-րդը։
The post ՖԻԴԵ․ Հայ շախմատիստների դիրքերը appeared first on ԳԱԼԱ.