Новости за 21.01.2022

Анастасия Заворотнюк телсез калган дип яза Комсомольская правда , артистканың кызына сылтама белән. Ул әнисенең хәле авыраюын, сөйләшә алмый башлавын әйткән. Артистканың кызыннан «әниегезнең исән калырга шансы бармы» дип сораганнар. Заворотнюкның кызы мондый сорауларның йөрәгенә тиюен әйткән. «Менә бу кеше яманлык та теләми кебек. Әмма йөрәкне телгәли торган сораулар бирмәскә кирәклеген аңларга башы юк», — дигән ул. Артистканың кызы әйтүенчә, әнисе яшәү өчен көрәшә һәм алар могҗизага өметләнә. Читать дальше...

Россия Тикшерү комитетының Татарстан буенча Тикшерү идарәсе Казанда яшәүче 31 яшьлек хатынга карата җинаять эшен тикшереп бетергән. Аны «җәфалау» һәм «балигъ булмаган баланы тәрбияләү вазифаларын тиешенчә башкармау» маддәләре буенча гаеплиләр. Бу турыда ведомствога сылтама белән «Татарстан 24» каналы хәбәр итте. Тикшерү версиясе буенча, бу хатын исерек килеш яшь ярымлык кызын вәхшиләрчә кыйный. Баланы кыйнаганын видеога да төшереп тора.  Хәзер баланы анасыннан алганнар, аны табиблар карый. Хатын гаебен тулысынча таный. Читать дальше...

«Бәлки әле минем турында кайбер нәрсәләрне белеп бетермисездер. Минем беркайчан да диета тотканым юк, дөрес туклану фанаты да түгел. Русча рок тыңлыйм. Балачакта опералардан арияләр ятлап җырлый идем, ә балалар җырлары түгел. «Татар кызы» бәйгесендә җиңгәнем бар. Унике яшемә кадәр «р» хәрефен әйтә алмадым. Шуңа күрә җырчы була алмаячагымны аңлый идем, журналистикага укырга барам, журналист булам дип уйладым. Гаиләдә без өч бала. Кечкенәбез белән минем яшь аермасы - 12 ел. Опера театрына гына йөрим. Читать дальше...

Берничә көн элек Казанның Латыйпов урамында урнашкан 3нче икмәк заводы ябылу, цехлары һәм җитештерү техникалары Адоратский урамындагы «Күмәч-кондитер комбинаты»на күчереләчәк дигән хәбәр таралган иде.  «Интертат » заводта эшләүче меңнән артык кешенең эшсез калуларына борчылулары һәм 1939 елдан Казан һәм Татарстан халкын икмәк белән тәэмин итеп торучы заводны саклап калуларын сорап, Россия һәм Татарстан Президентларына исеменә петиция язулары турында язган иде. Бүген 3нче икмәк заводының инстаграм... Читать дальше...

Ярмаларны пешерә башлаганда ук тоз салалар. Тоз ярма бөртекләренә пешәргә ярдәм итә, вакытны киметә. Бу турыда киңәшләр сайтында язылган. Камыр ризыкларын, пилмән һәм вареникларны да су кайнап чыкканчы тозларга кирәк. Ашларга тозны пешеп җиткәндә генә, су кайнап торган килеш салалар. Плитәне сүндергәч тоз салсаң, аш артык тозлы була. Кишер һәм кызыл чөгендерне тозсыз суда пешерәләр. Гөмбәне пешерә башлаганда тозлыйлар, ахырда тозласаң, алар җыерылып килер. Бәрәңге кыздырганда тозны пешеп җитәргә 5 минут калгач салалар. Читать дальше...

22 гыйнварда Татарстанда болытлы һава торышы була. Төнлә һәм көндез кар явачак. Иртән һәм көндез кайбер районнарда буран. Көньяк-көнчыгыштан уртача тизлектә, урыны белән 16 метр тизлектә көчле җил. Төнлә һава температурасы -9..-14˚, аязганда -15..-20˚, көндез -5..-10˚ градус. Юлларда бозлавык, кар көртләре.

Югары Чыршылы авылында иң иң күп мөгезле эре терлек тоткан шәхси хуҗалыклардагы малларда куркыныч авыру табылган. Халык алар җитештергән сөт, итне сатып алган. Хәзер инде кайчан гына яңа маллар кайтыр икән дип бөтен авыл көтә. «Авылда сөт булганда рәхәт иде әле…» Авылда фельдшер булып эшләүче Гөлгенә апа да сөтне алардан сатып ала торган булган. Үзебезнең дә бер бозау бар, бер атна элек вакцина ясаттык, карап кына торабыз. Авылда карантин игълан иттеләр. Куркып торабыз инде үзебез дә. Мондый әйбер күргән юк иде әле. Читать дальше...

Алсу Фазлыева үзенең инстаграм сәхифәсендә Ришат Төхвәтуллин белән Ильмира Нәгыймованың бик мөлаем сөйләшеп торган видео урнаштырган. Анда артистларның яшь парлардай коридор уртасында икәүдән-икәү ягымлы гына аралашуы күренә. Кичә «Уникс» концертлар залында Балалы солянка узды. Алсу Фазлыева әлеге тамашадан сторислар элеп барды. Ришат Төхвәтуллин белән Ильмира Нәгыймова эләккән видео шушы сторисларның берсе. Алсу Фазлыева бу кадрлар белән нәрсә әйтергә теләгән икән, дигән сорау туа. Ришат Төхвәтуллин әлегә өйләнмәгән... Читать дальше...

Лондонның «Челси» командасының сакчысы, Казанда туып-үскән Алсу Абдуллина клуб өчен беренче уеныннан соң хисләре белән уртаклашты. Ул Англия лигасы кубогында «Вест Хэм»га каршы уенда 77нче минутта чыкты. Бу турыда «Татар-информ» Россия футбол берлегенә сылтама белән яза. «Хисләр ташый. Бу хәл минем белән булуына әле дә ышана алмыйм. Кырга чыгам дип уйлаган идемме? Чынын әйткәндә, әйе! Заявкага эләгүемә сөендем. Ләкин уйнап карыйсы килде. Беренче таймда уен безнеңчә бармады, икенче яртысында 4:1 булгач... Читать дальше...

Казанның «Ак Барс» хоккей клубы голкиперы Тимур Билалов яңа контракт төзегән. Бу турыда Metaratings басмасына сылтама белән «Татар-информ» хәбәр итте. Чыганак белешмәсе буенча, 2023\24 сезонында Билалов 40-45 миллион сум хезмәт хакы алачак. «Ак Барс» уенчылары Тимур Билалов, Артем Галимов һәм Дмитрий Воронков Россия җыелма командасының киңәйтелгән исемлегенә кертелде. Бу команда Пекинга Олимпиадага барачак.

Яңа елның озакка сузылган каникулларыннан соң язучылар белән әдәбиятчылар бер өстәл артына җыелышып, тарих белән әдәбият һәм тарихчылар белән язучылар арасындагы мөнәсәбәтләр турында җитди сөйләшеп алдылар. Әлеге түгәрәк өстәлләр даими була алырмы һәм аның нәтиҗәсе буларак тарихи әдәбият артырмы — анысын киләчәк күрсәтер. Утырышны Татарстан Язучылар берлеге рәисе Ркаил Зәйдулла алып барды. Тарихчылар Дамир Исхаков белән Илнур Миргалиев; депутат һәм артист, татар тарихына, мөгаен, «Зөләйха» фильмы режиссеры булып калачак шәхес Рамил Төхфәтуллин... Читать дальше...

Җырчы Венера Шәмиева үзенә килгән сорауларга җавап итеп сторис куйган. «Сатья Дас лекцияләрен тыңладым. «Ирләрне үзгәртеп булмый, хәзер ул менә шундый, аннары мин аны акрынлап үзгәртәм дип уйламагыз“, — ди ул. Ә икенче лекциясендә „бу ‚лего‘ һәм аны сез төзисез“, ди. Аларны үзгәртеп буламы? Сез ничек уйлыйсыз?» — дип сорау биргән бер инстачы. «Аның китапларын яратам, мин аның 7 китабын сатып алдым, укып бетерәм инде. Сатья Дас белән, һичшиксез, килешәм. 20 елда ярыйсы гына продукт чыгып килә кебек минем «лего»дан. Читать дальше...

Ире белән аерылганнан соң тормышта да, иҗатта да популярлашып киткән Ильмира Нәгыймова Ришат Төхвәтуллин бергә төшкән фотосын куйган. «Мондый дуэт кирәкме?» — дип тә язган инстаграм сәхифәсендә. Беренче комментарийны Ильмира Нәгыймова белән «Соңгы бию» җырын башкарган Марат Яруллин калдырган: «Күрәсең, безнең бию соңгысы». Ильмира Маратка смайлик белән генә җавап биргән, ә инстачы «син бәхетеңне югалттың», — дип комментарий калдырган. Ильмира Нәгыймованың тамашачылары «бу дуэт ут булыр иде» дигән фикер белдергән. Читать дальше...

Салават шәһәрендә 16 яшьлек Җәмил Акъюлов мәктәптән кайтып килгәндә, өйдә янгын башлануын күрә. Бу вакытта өйдә җиде яшьлек сеңлесе ялгызы гына булуын Җәмил белә. Ул тизрәк подъездга керә, фатирны ача. Җәмил чүпрәкне юешли һәм сеңлесе белән икесе шуның аша сулап, урамга чыгалар. Бу турыда «Башинформ» хәбәр итте. Вакыйга 19 гыйнварда була. Янгынны сүндерергә коткаручылар килеп җитә. Алар килгәндә биредә куе төтен була. Янгын сүндерүчеләр 1934 елда туган хатын-кызны да коткаралар. Аны табибларга тапшыралар. Читать дальше...

Айдар Аймалетдиновның «Сагынам» җыры музыкаль мәйданчыкларга чыкты. Җырның сүзләрен Ләйсән Сабитова, ә көен җырчы үзе язган. Инстачылар яшь җырчыны канатландырган һәм иҗатында уңышлар теләгән.

«Китабымны сатам дигән максат белән чыгармадым» Динә апа, күптән түгел беренче китабыгыз чыкты. Берәр кайчан үзегездә шулай язу сәләте ачылыр, китаплар чыгарырмын дип уйлый идегезме?  Ул турыда гомердә дә уйлаганым булмады. Әмма мин мәктәптә укыганда сочинениеләрне бик яратып яза идем. Табигать күренешләрен күзәтеп, яратып сурәтләгәннәрем исемдә.  Ә китапка килгәндә, берәү миңа үзенең тормыш юлын, язмышын сөйләде дә, туктале, инстаграмга берничә бүлек язып куйыйм әле мин моны дип кенә тотынган идем. Читать дальше...

Чыныгу — ул иммунитетны ныгыту, матдәләр алмашын яхшырту, вакытында йоклау, организмның вирусларга каршы торуын булдыру дигән сүз. Бу хакта РИА Новостига табиб-терапевт Анна Ефимова сөйләде. Табиб сүзләренчә, чыныгуны иң башта салкын су белән коенудан башларга мөмкин. «Су температурасын ике градуска киметегез. Чүмечкә салкынча су салып, башта аякларга коярга була. Аннан гына аркага коярга кирәк. Бер атнадан соң суның температурасын тагын ике градуска киметергә мөмкин. Чыныгырга уйлагач та сап-салкын су белән коена башламагыз. Читать дальше...

Әллә ниләр беләсең, бигрәк белемле кеше кебек такылдыйсың, димәгез. Китапханәче Галиәкбәрнең хәләл җефете мин. «Кем арбасына утырсаң, шуның җырын җырларсың», — диләр бит. Китапханәдәге бар булган китапны укып бетерә язгач, әзрәк акыл да кергәндер инде. Болай үземә килгәндә, гади пешекче мин. Тормыш иптәшемне «пешекләргә» дә шактый гына остарып барам. Бәй, шулай булмый! Теле теш арасына «сыеп» бетми. Ярый да ул кирәген генә сөйләп, телен кирәк җирдә генә «кашыса». Юк! И ярата инде җәелеп китеп, йортта булган-булмаганны уңга-сулга «сиптерергә». Читать дальше...

«Бу постны языр алдыннан озак уйладым. Чөнки татар эстрадасындагы конфликтлар, гайбәтләрдән читтә торырга тырышам. Сүз минем әтием, Илгиз Закиров иҗат иткән җыр көйләре турында барачак. Соңгы арада еш кына аның музыкасын башка авторлар актив куллана башлады. Я тулаем куплет, я тулаем кушымта «урлана». Бөтен җырлар турында язмыйм, 1-2 тапкыр җырланып онытылганнары, үзләре өчен генә иҗат ителгән җырлар күздә тотылмый. Сүз танылып, халык күңелләренә кергәннәре турында бара… Алар турында инде ишетмәдем, күрмәдем дип әйтеп булмый бит! Читать дальше...