Новости за 21.02.2019

Soñki künlerge qadar esli-başlı qırımtatar faalleriniñ para talap etkenlerini isbatlaycaq bir delil yoq edi

Tallinnniñ merkezinde Ukraina diplomatları ve faaller Rusiyeniñ Qırım ilhaqı başlağanınıñ 5 yılına bağışlanğan aktsiyanı keçirdi. Bu aqta Ukrainanıñ Estoniya elçisi Maryana Betsa Twitterde bildirdi. Aktsiya iştirakçileri Ukraina, Latviya ve qırımtatar bayraqlarını alıp, #LIBERATECRIMEA yazısını tizmek içün arifler ile kâğıtlarnı tuttı. Fevralniñ 20-si – Qırım ilhaqı başlağanınıñ resmiy künü, onı 2015 senesi aprelniñ 21-nde Ukraina Yuqarı Radasınıñ «Ukraina Yuqarı Radasınıñ «Rusiyeniñ silâlı... Читать дальше...

Rusiyedeki Kirov vilâyetiniñ Omutninsk rayon mahkemesi martnıñ 13-nde Aqyardaki «Hizb ut-Tahrir davasınıñ» mabüsi Ferat Sayfullayevniñ şartlı olaraq müddetinden evel azat etilüv meselesini baqacaq. Bu aqta «Qırım birdemligi» teşebbüsi advokat Emil Kurbedinovnıñ malümatına esaslanıp, Facebookta bildire. Kurbedinovnıñ özü mahkemege kelemez, Sayfullayevni başqa advokat imaye etecektir. Oturışuv saat 13:30-ğa planlaştırıla. 2017 senesi sentâbr ayında Rostov-na-Donudaki Şimaliy-Kavkaz okrugınıñ arbiy mahkemesi üküm çıqardı. Читать дальше...

Aqyarda fevralniñ 22-nde 2014 senesi qışta Kyivdeki Euromaydanda narazılıq aktsiyaları vaqtında «arbiy hızmet vazifelerini eda etken» «Berkut» mahsus bölügi askerleriniñ mukâfatlandırıluvı beklenile. Bu aqta Aqyardaki Rusiye gvardiyasınıñ matbuat hızmeti bildire. Tedbir programmasında – 2013 senesi noyabr ayı – 2014 senesi fevral ayınıñ adise-vaqialarına bağışlanğan «İmayecilerniñ közünen Maydan» adlı fotoresimler sergisi, sönmegen ateş yanında tizilüv, «Berkut hadimleriniñ» mukâfatlandırıluvı... Читать дальше...

Qırımda fevralniñ 22-23-ne skandinav tsiklonınıñ suvuq cebesi keçkeninen bağlı bozulacaq ava sebebinden furtuna havfı ilân etildi, dep bildire Qırım gidrometmerkezi. «Qırımda zor ava şaraitleri beklenile: qarğa keçken küçlü yağmur, bazı yerlerde küçlü yağanaqlar, qar boranı, buzlavuq, klegey buz, cenübiy-ğarbiy yel şimaliy-şarqiy yelge keçip, süratı saniyede 25 metrge qadar artacaq. Fevralniñ 23-nde ava arareti 10-12 derecege eksilecek olacaq, gece -9…-14 derece, kündüz -4…-9 derece olacaq», – dep aytıla haberde. Читать дальше...

Fevralniñ 21-nde dünya Halqara ana tili kününi qayd ete. UNESCO malümatına köre, bu yıl tedbirniñ mevzusı – «turğun inkişaf, barışıq pekitilüvi ve muabbetleşüv içün müim olğan tamır halqlarnıñ tilleri». «Dünyada insanlarnıñ 40%-ı laf etken ya da añlağan tilde tasil alıp olamay», – dep bildire teşkilât, dep haber ete Azatlıq Radiosı. Tahminen 370 mln insan tamır halqlarnıñ temsilcisi ola, olarnıñ tilleri dünyadaki 7000 canlı tilniñ ekseriyetidir, dep bildire UNESCO. Bugün Parijdeki UNESCO merkezinde... Читать дальше...

Kreml kontrolindeki Qırım yolbaşçısı Sergey Aksönov Keriçniñ Rusiye memuriyetine çöplük çıqarılmasınen bağlı meseleni al etmege emir etti: 30 kün içinde çöplük içün yañı yerlerni tapıp, şeer içindeki eski soylarını qullanmamaq kerek. Bu aqta Aksönov fevralniñ 21-nde Keriçniñ Rusiye memuriyetiniñ toplaşuvında ayttı. «30 kün içinde bir noqta qoyayıq. Daa ziyade vaqıt bermem. Keriçten qalımtılarnı çıqaruv shemasını deñiştirmege añlaştıq. Belli bir müddet eski obağa taşıysıñız, mesken yerde bir çöplük obası olmasın. Читать дальше...

Qırımnıñ rusiyeli başı Sergey Aksönov, Keriç mer muavini Dilâver Melgaziyevni vazifesinden boşatmağa emir etti. Bu aqta o Keriç memuriyetiniñ muşaveresinde ilân etti. Muşavere videosı Aksönovnıñ Facebook saifesinde yerleştirilgen. Aksönov bildirgeni kibi, fevral 21-inde saba o “Kerçgortrans” işhanesinde bulunıp, işçilernen qonuştı. Bundan soñ Melgaziyevni rutbesinden boşatmaq qararını aldı. Bundan ğayrı Qırım bası şeer azbar hızmetçileriniñ işinden de memnün qalmadı. Keriç trolleybus aydavcıları... Читать дальше...

Tünevin Qara Töbe-Aqmescit demiryol qısmınıñ keçitinde Howo yük maşnası drezinanen çatıştı, yaralanğanlar bar, dep bildire Rusiye İİN-niñ Qırım idaresi. “Yol qazası neticesinde aydavcı ve Howo maşnasınıñ eki yolcusı yaralandı. Olarnıhastahanege alıp kettiler. Qaza boyunca teşkerüv yapıla, onıñ neticesinde ceza qararı çıqarılacaq”, - denile beyanatta. Matbuat hızmetinde, yük maşnası demiryol keçitinde drezinağa yol bermegenini qayd eteler. Bunıñ neticesinde drezina relsten çıqtı, yük maşnası ise çevirildi. Читать дальше...

Qırım yalısı yanında zapt etilgen, yaralanğan ukrain arbiy Vasıl Sorokanıñ el şişigi qaytmay, bir qaç parmağı çalışmay. Bu hususta onıñ imayecisi, rusiye advokatı Sergey Badamşin Facebook saifesinde yazdı. Onıñ aytqanına köre, Sorakanıñ daima ağırları bar, Moskovanıñ “Lefortovo” SİZOsında tedaviylev ise, vitamin B aşılavınen bite. Yaqın vaqıtta onı başqa Moskova hastahanesinde baqmalılar. “Buña baqmadan, keyfi köterinki. Cenk esirleriniñ episi yahşılıqqa ümüt ete, bir birine qol tuta. Deñizcilerniñ... Читать дальше...

Fevral 21-isinde, cumaaqşamı künü, sinoptikler, Qırımda 20 m/s-ge qadar şiddetli yel olacağını tahmin ete. Bu aqta yarımadanıñ gidrometmerkezi bildirdi. Sinoptiklerniñ tahminlerine köre, Aqmescitte (Simferopol) yağanaqlarsız. Şimal-ğarbiy yel 7-12 m/s, kimerde 17 m/s-ge qadar köterilip üfürecek. Ava arareti gece +1…+3°, kündüz+6…+8° olacaq. Bildirilgenine köre, Aqyarda (Sevastopol) da yağanaqlarsız. Yel gece 6-11 m/s, kündüz 10-15 m/s.. Ava arareti gece +4…+6°,kündüz +6…+8º. Qırımnıñ şimalinde yağanaqlarsız. Читать дальше...