Новости за 21.04.2019

Milliy exit poll aprelniñ 21-nde Ukraina prezidenti saylavları kününde saylav bölükleriniñ çıqışında keçirilgen sorav neticelerini çıqarıp, saat 20:00-da olğan malümatnı aydınlattı. Yañartılğan malümatqa köre, Volodımır Zelenskıyge saylayıcılarnıñ tam 73%-ı qoltuttı, şimdiki prezidenti Petro Poroşenkoğa – 25,5%-ı. Saylav bölükleri qapatılğan soñ birden aydınlatılğan neticelerde Zelenskıynıñ reyleri 0,2% çoq edi, Poroşenkonıñ ise o qadar az edi, dep haber ete Azatlıq Radiosı. Aprelniñ 21-nde saat 20:00-da olğan malümatqa köre... Читать дальше...

Ukrainanıñ şimdiki prezidenti Petro Poroşenko dünya toplulığını saqlap qalması kerek olğan Ukrainanıñ şimdiki kursı ve esas printsiplerine qoltutmasına çağırdı. Bu aqta o, öz ştabında bulunıp, aprelniñ 21-nde Ukraina prezidenti saylavlarınıñ ekinci turında rey berüv yekünlengen soñ ukrainalılarğa muracaat etip ayttı. «Birinciden, Ukraina demokratiyanıñ küçü ve esas Ukrainadaki telükesizlik anahtarı ola. Ekinciden, Ukrainasız Ukraina aqqında iç bir şey. Üçüncisi, Qırım – Ukrainadır. Bunıñ lafı da olmaz. Читать дальше...

Ukraina prezidenti saylavlarınıñ ekinci turında aprelniñ 21-nde saat 20:00-ğa qadar saylayıcılarnıñ 61,68%-ı rey berdi, dep aytıla Ukraina Merkeziy saylav komissiyasınıñ saytındaki malümatta, dep haber ete Azatlıq Radiosı. Al-azırda Merkeziy saylav komissiyası 199 territorial saylav okrugından 52-siniñ malümatını aldı. Daa evel şimdiki prezident Petro Poroşenko raqibi Volodımır Zelenskıynı saylavlardaki ğalebesi ile tebriklemege azır olğanını bildirdi. Milliy exit poll malümatlarına köre, devlet... Читать дальше...

Milliy exit poll malümatlarına köre, devlet yolbaşçısı saylavlarınıñ ekinci turında ğalebe qazanğan Ukraina prezidenti namzeti, tele alıp barıcısı ve şoumen Volodımır Zelenskıy tarafdarları ve taqımına teşekkürler bildirdi. «Maña qoltutqan bütün ukrainalılarğa, farqlı saylav yapqan bütün ukrainalılarğa teşekkürler bildirem… İç bir vaqıt sizni ıncıtmam», – dep ayttı Zelenskıy öz ştabında exit poll malümatları aydınlatılğan soñ, dep haber ete Azatlıq Radiosı. Saat 18:00-ğa qadar milliy exit poll malümatları belli oldı. Читать дальше...

Ukrainada aprelniñ 21-nde Ukraina prezidenti saylavları olıp keçti. Saylav bölükleri saat 20:00-da qapatıldı. Komissiya azaları saylav bölüklerinde reylerni saymağa başladı. Saat 18:00-ğa qadar milliy exit poll malümatları belli oldı. Olarğa köre, alıp barıcı, şoumen Volodımır Zelenskıyge saylayıcılarnıñ 73,2%-ı rey berdi, şimdiki prezidenti Petro Poroşenkoğa – 25,3%. Saylayıcılarnıñ 1,5%-ı bülletenlerni bozdı. Exit pollnıñ 20:00-ğa qadar malümatları saat 22:00-da aydınlatılmalı. Milliy exit... Читать дальше...

Ukraina prezidenti namzetleri Petro Poroşenko ve Volodımır Zelenskıy prezident saylavlarınıñ ekinci turında rey berdi. Zelenskıy saylav bölügine ömür arqadaşınen beraber keldi. Kimge rey berdiñiz sualine şöyle cevap berdi: «Ukrainağa rey berdim». Poroşenko apayı Marına Poroşenko ile beraber Kyivniñ Zabitler evindeki bölükke keldi. Ukrainanıñ şimdiki prezidenti «Kim saylanacaq müim degil, millet ve devlet areket etmege devam etecek strategiya ve yol müimdir», dedi.  Ukraina merkeziy saylav komissiyası bildirgenine köre... Читать дальше...

Qobazı daglarında (Aqmescit rayonı) turist, taşlı captan tüşkende başını yaraladı, dep bildire Rusiye FVN-niñ Qırım idaresi. Yaralanğan ilk yardım kösterge qurtarıcılar çağırtıldı: steril sarğı sarıp, Şants yaqasını taqtılar. “Qırım qurtarıcıları, mahsus sediyenen aqaynı iş maşnasına ketirip, Aqmescit hastahanesine alıp ketti. Aqay - 1973 senesi doğma Aqyar sakini”, - denile beyanatta. Qırım FVN, bir künge bile dağlıq yerine ketken turistler, daglarda telükesizlik qaidelerini diqqatnen ögrenmeli... Читать дальше...

138-den ziyade insan Şri Lanka kilseleri ve musafirhanelerinde olğan altı patlavnıñ qurbanı oldı, 400-den ziyade kişi yaralandı. Yerli memurlarnıñ aytqanına köre, elâk olğanlar arasında doquz çeetl vatandaşı bar. Altı patlav Şri Lankadaki üç kilse ve üç musafirhanede aprelniñ 21-nde katoliklerniñ Pasha bayramında oldı. Şri Lankada ava limanı qapatıldı, dep bildire Indian Express yerli kütleviy haber vastalarınıñ malümatına esaslanıp. Ücüm mesüliyetini öz boynuna alğanlar yoq.

Ukraina prezidenti saylavlarınıñ ekinci basamağı aprelniñ 21-inde ötkerilecek. Ondan evel, aprelniñ 19-ında namzetler Volodımır Zelenskıy ve Petro Poroşenko arasında munaqaşalar keçirildi. Azatlıq Radiosınıñ jurnalistleri, Moskova sakinlerinde Ukraonada kibi saylavlarnı ister edimi, dep soradı.

Qırımda şimal-şarqiy yelniñ 20-25 m/s-ge qadar küçü artacağı beklenile. Aprelniñ 21-inde gece ve saba çöl ve dağ etegi rayonlarında 0…-2° derecege qadar yengil ayazlar oldı. Bu aqta yarımada gidromettsentri bildire. Sinoptiklerniñ tahminlerine köre, Aqmescitte (Simferopol)0…-2° derecege qadar yengil ayazlar oldı. Kündüz ava arareti +10…+12° derecege qadar. Bildirilgenine köre, Aqyarda (Sevastopol) deñişici bulutlılıq. Yağanaqlarsız. Ava arareti kündüz +11…+13° derecede. Qırımnıñ şimalinde deñişici bulutlılıq. Читать дальше...

Şri-Lankadaki patlavlarda yüzden ziyade insan elâk oldı, üç yüzge yaqın kişi yaralandı. Bombalar üç katolik ibadethanesinde ve Kolombodaki üç musafirhanede patladı, dep haber ete Reuters. Elâk olğanlar arasında çetel vatandaşları bar, dep bildirdi memleket ükümetiniñ azası Harşa da Silva Twitterde. O, sakinlerni evde qalmağa çağırdı. Şri-Lankada ava limanı qapatıldı, dep bildire Indian Express yerli kütleviy haber vastalarınıñ malümatına esaslanıp. Ücüm mesüliyetini öz boynuna alğanlar şimdilik yoq.

Keriçte aprelniñ 20-sinde merkeziy bazarda Rusiye polisi ve belediye nezareti, teşkil olmağan verba (tal pıtaqları) satıcılarınıquva edi. Bu aqta şeer sakininiñ sözlerinden Kerç.FM saytı yazmaqta. “Balıq satqanlarnıñ yerine, verba satqan bitaylarnı aydaylar. Şaşılacaq şey!!!”, - dep yazdı keriçli. Aprel 21-inde, Pashağa bir afta qalğanda, pravoslavlar Tañrınıñ Qudusqa (Yerusalim) kirgenini qutlay, halqta oña Verba Bazarı deyler. Adet üzre bu kün kilselerde tal pıtaqları taqdis etile.

Ukrainada prezident saylavlarınıñ ekinci turı başlandı. Şoumen ve iş adamı Volodımır Zelenskıy ve şimdiki prezidenti Petro Poroşenko prezident olmaq içün yarışmaqta. Saylav bölükleri saba saat 8-den aqşam 20-ge qadar çalışa. Çetelde rey berüv yerli saatqa köre keçirile. Ukraina Merkeziy saylav komissiyası saylavlarnıñ neticelerini 2019 senesi mayısnıñ 1-ne qadar ilân etmeli. Yañı saylanğan prezidentniñ inauguratsiyası iyünniñ 3-ne qadar ötkerilmeli. Ukraina prezidenti saylavları umumiy ola. Читать дальше...