Новости за 13.07.2019

İyülniñ 13-ne qadar Qırım ve Aqyarnıñ 2400 sakini iyülniñ 21-nde keçirilecek Ukraina Yuqarı Radasınıñ saylavlarında rey berüv yerini deñiştirdi. Bu malümatnı Ukraina saylayıcıları Devlet reyestri aydınlattı. Böylece, 1872 qırımlı ve 528 aqyarlı rey berüv yerini deñiştirdi. Qırım ve Aqyar sakinleriniñ çoqusı Kyivde rey berecek ola – 642 ve 146 kişi. Ukraina Yuqarı Radasınıñ nevbetten tış saylavlarında rey bermek içün iyülniñ 15-ne qadar yer deñiştirmek mümkün. Ukraina Yuqarı Radasına firqa... Читать дальше...

Herson vilâyeti devlet memuriyetiniñ yañı yolbaşçısı Yuriy Güsev «Çonğar» ve «Kalançak» keçiş noqtalarında eki keyfiyetli rejim alanını» yılnıñ soñuna qadar tolusınen donatmağa vade ete. Bu aqta Güsev Ukraina prezidenti Volodımır Zelenskıyge iyülniñ 13-nde «Çonğar» keçiş noqtasında bildirdi.  Qırım.Aqiqat mühbiriniñ aytqanına köre, Zelenskıy tam künni aytmağa rica etti. «Sayğılı prezident, noyabrniñ 15-nde doğğan künüm olacaq. Noyabrniñ 15-nde sizlerni açmağa davet etem, amma yılnıñ soñuna qadar... Читать дальше...

Kreml kontrolindeki Aqyar valisi vazifelerini vaqtınca eda etken Mihail Razvojayev şeer ükümetini istifağa yolladı. İşbu buyruq ükümetniñ saytında iyülniñ 13-nde derc etildi. «2019 senesi iyülniñ 12-nden başlap Aqyar ükümetiniñ istifası aqqında ilân etmek. Ükümetke Aqyarnıñ yañı ükümetini şekillendirmek içün vekâletlerini kerçekleştirmege avale etmek», – dep aytıla vesiqada.  Bundan evel Razvojayev bir ay içinde yañı taqımnı şekillendirmege planlaştıra, dep bildirdi. Hatırlatamız, iyülniñ 11-nde... Читать дальше...

Ukraina prezidenti Volodımır Zelenskıy iyülniñ 13-nde Qırımnıñ memuriy sıñırındaki «Çonğar» keçiş noqtasında Herson vilâyeti devlet memuriyetiniñ yañı yolbaşçısı – Ukraina mudafaa naziriniñ sabıq muavini Yuriy Güsevni, em de prezidentniñ Qırım Muhtar Cumhuriyetindeki daimiy vekili Anton Korineviçni taqdim etti. Qırım.Aqiqat mühbiriniñ bildirgenine köre, Zelenskıy Herson vilâyeti devlet memuriyetiniñ yolbaşçısını taqdim etip, «Çonğar» ve «Kalançak» keçiş noqtalarındaki infrastruktura donatuvı ve... Читать дальше...

Ukraina Tış işler nazirligi Rusiyeden Rusiye koloniyasında 20 yılğa apiske alınğan ukrainalı rejissör Oleg Sentsovnı azat etmesini kene talap ete.  «Bugün Oleg Sentsov 43-ünci doğğan kününi qayd ete. O, 6 yıldan berli Rusiye apishanesinde buluna, qanunsız tutulğan ve mahküm etilgen edi. Biz Olegge qoltutamız, ve onı azat etmek talabını tekrarlaymız», – dep haber etile nazirlikniñ Twitter saifesinde, Oleg Sentsov cumaertesi künü, iyülniñ 13-nde, 43 yaşını toldurdı. O, altıncı doğğan kününi apiste qayd ete. Читать дальше...

Qırım Muhtar Cumhuriyetiniñ milletlerara munasebetler ve sürgün etilgen vatandaşlarnıñ işleri Cumhuriyet komitetiniñ sabıq reisi, qırımtatar faali ve mimar Edem Dudakov restavratorlarnıñ Bağçasaraydaki Hanlar sarayınıñ eski kirametini deñiştirmek planlarından qasevetlene. Onıñ fikirince, bu adım «medeniy mirasnı yoq etecek». Bu aqta o, Qırım.Aqiqatqa ayttı. Restavratorlarnıñ Hanlar sarayındaki baş korpusnıñ eski kirametini «eski pişirüv tehnologiyasına köre azırlanğan» yañı kirametke deñiştirmek... Читать дальше...

Şçölkino şeeri Qırımnıñ şarqında Azaq deñiziniñ yalısında şimaliy tarafta yerleşken. Şçölkino, Qazan Tip qoruğı yanında buluna. Yerli sakinlerniñ esas qazançı - bu turistlerdir. Onıñ içün mevsim başında mında suvenir tükânları ve çeşit-türlü kafe-aşhaneler açıla. Qırım.Aqiqat mühbiri, Şçölkinoğa barıp, raatlanıyıcılarnıñ teessuratlarını sorap baqtı.

Rospotrebnadzornıñ Qırım idaresi, deñiz suvunıñ laboratoriya analizini yapqan soñ, vaqtınca Bağçasaray rayonında Acı Bolat (Uglovoye) köyündeki plâjda, Aqyarda "Mramornı" ve "Gorodskoy" plâjlarında ve Aluştanıñ 7 plâjında vaqtınca yuvunmaqnı yasaq etti.  Bu aqta müessiseniñ saytında haber etile. "İyülniñ 12-ne qadar, 3428 deñiz suvu nümünesi (3288 - Qırımda, 140 - Aqyarda) mikrobiologiya köstergiçleri içün tetqiq etildi, olardan 59 nümüne, yani 1,7% mikrobiologiya köstergiçleriniñ telükesiz seviyesini aşqan edi", - denile beyanatta. Читать дальше...

İyül burçağınıñ Qırım çiftçilerine 500 million rublelik zararı tiydi, dep ayttı Qırımnıñ Köy hocalığınıñ rusiyeli naziri Andrey Rümşin. "Burçaqtan köy hocalığınına umumen 500 million rublelik zarar tiydi. 1 biñ gektar saçuv meydanı, 100 gektarğa yaqın yüzümlik ve 12 gektarğa yaqın teplitsalar ziyan oldı. "Qırım meyva şirketi"nde büyük bağça hocalıqlarınıñ 2,6 gektar yerlerini burçaq urdı, zararnı onlarce million ruble, dep saydılar. Bağçasaray rayonında tereklerge zarar tiydi, teplitsa kombinatınıñ ziyanı ise 120 million ruble oldı"... Читать дальше...

Rusiye FVN-niñ Qırım idaresi, Bağçasaray rayonında dağda coyulğan qorantanıñ qurtarılğanı aqqında bildirdi.   Müessisege köre, tünevin üç adamdan ibaret olğan qoranta, "Volkswagen Polo" maşnasında Bağçasaray rayonında Çufut Qale yanında yolunı şaşırttı. Qurtarıcılar bildirgeni kibi, qoranta öz çıqmaq yolunı tapıp olamadı.    "Qurtarıcılar coyulğan qorantanı tez taptılar ve yolnı kösterip, Manğuş (Prohladnoye) köyüne yönelttiler. Adamlarnıñ tibbiy yardımğa ihtiyacı yoq edi. Tusirtlernen tenbiyelev subeti keçirildi", - denile beyanatta. Читать дальше...

Rusiye koloniyasına 20 yılğa apis etilgen ukrain rejissör Oleğ Sentsov, cumaertesi künü, iyül 13-ünde 43 yaşını tolduracaq. Bu, o koloniyada qutlağan altıncı doğğan künüdir. Şimdi Sentsov Rusiye şimalinde, Labıtnanga koloniyasında tutula.  Tünevin ukrain siyasiy mabüsini onıñ advokatı Dmitriy Dinze ziyaret etti, o, Sentsovnıñ alı bir coruq olğanı aqqında ve onıñ icadiy işi aqqında Facebookta qısqadan yazdı. Cumaertesi künü Ukrainada ve başqa memleketlerde Oleg Sentsovğa bağışlanğa merasimler keçirilecek ola. Читать дальше...

Rusiye Yuqarı mahkemesi binası yanında iyül 11-inde qırımtatar faallerni ne içün tutıp aldılar?

Qırımda raatlıq künleri, iyül 13 ve 14-ünde, kene yağmurlar olacaq. Bu aqta yarımadanıñ Gidrometeomerkezi bildire. Böylece, cumaertesi künü, iyül 13-ünde Aqmescitte deñişici bulutlılıqnı tahmin eteler. Gece yağanaqlarsız, kündüz kimer yerde qısqa vaqıt yağmur yağacaq. Ğarbiy yel 7-12 m/s, bazıda 15 m/s. Ava arareti gece 12…14º, kündüz 23…25º. Bazar künü - deñişici bulutlılıq. Yağanaqlarsız. Şimaliy yel 7-12 m/s. Ava arareti gece 12…14º, kündüz 25…27º. Aqyarda iyül 13-ünde - deñişici bulutlılıq. Читать дальше...

Rusiyede apiske alınğan qırımlı ukrain faali Volodımır Baluhnıñ advokatı Olga Dinze, müşterisini Rusiye koloniyasında ziyaret etkeninden soñ, onıñ sağlıq alı "yaramay", dep ayttı. Bu aqta o Qırım.Aqiqatqa tefsir bergende bildirdi. "Baluhnı salı künü ziyaret ettim. Sağlıq alı yaramay: baş ağrısı, sol ayağınıñ şişmesi, küçlü buğum ve köküş qafesi ağrısı. Baluh işanğan ekimni oña yibermege razı olmadılar", - dedi Dinze.  O, Baluhqa zararsız açlıqtan çıqmaq içün ketirilgen erzaq mallarını koloniyada qabul etmediler, dep qoştı. Читать дальше...