Aqyar: Ovsânnikov istifasını tefsir etti
"Büyük işniñ bir basamağı yekünlendi, Rusiye prezidenti Vladimir Vladimiroviç Putin ve men bir qarar aldıq. Maña soñki yılları qol tutqan aqyarlılarğa, Aqyar qaraman şeeriniñ mamurlığı içün yahşı etip çalışqan işdeşlerime minnetdarım. Üç yıl içinde şeer inkişafı, onda yaşayış keyfiyetiniñ yüksetilmesi içün bayağı iş yapıldı", - dedi Dmitriy Ovsânnikov.
Hatırlatamız ki, iyül 11-inde Rusiye prezidenti Vladimir Putin, Aqyarnıñ (Sevastopol) rusiyeli başı Dmitruy Ovsânnikovnıñ istifağa çıqmasını qabul etti, şeer başı vazifesiniñ vaqtınca Mihail Razvojayev becerecek.
Dmitriy Ovşannikov Aqyar gubernatorı olaraq 2017 senesi sentâbr 10-unda "saylavlar"da saylanılğan edi. 2016 senesi iyül 28-inden ve saylanmasına qadar Aqyarnıñ rusiyeli gubernatorı vazifesini vaqtınca becere edi. Bundan evel, 2015-2016 yılları o, Rusiye sanayı ve ticareti naziriniñ muavini edi.