Suspilne-nıñ eki radio stantsiyası Qırımğa yayınlacaq - Kostinskiy
Bu hususta Ukraina radio ve televizion yayınlavı milliy şurasınıñ azası Serğiy Konstinskıy öz Facebook saifesinde haber etti.
"Milliy şura bergen litsenziyalar esasında, Radio alâqa, Radio yayınlav ve Televizion Kontserni, UA: Suspilne-niñ ilk eki radio stantsiyalarınıñ yayınlavını azırladı - UA: Radio Luç - 106.4 MGts ve UA: Radio Kultura - 95,3 MGts", - dep yazdı Kostinskiy.
O, Millliy Şura böyle radio stantsiyalarına litsenziya bergenini qoştı: Armiya FM; UA: Ukrainske radio; Herso FM; Perets FM; Stilnoye; Meydan FM; UA Radio Luç; UA Radio Kultura.
Ukrainanıñ Milliy içtimaiy radio şirketi ile beraber de ilhaq etilgen Qırımda orta AM dalğalarındaki 549 kHz sıqlığında eşittirüvlerini yayınlağan Qırım.Aqiqat Radiosı, 2017 senesi sentâbrniñ 4-nden başlap, FM diapazonınıñ 105,9 MHz sıqlığında künde 24 saat içinde Qırım içün radioeşittirüvlerini translâtsiya etmege başladı. Ukrainanıñ Şarqındaki şeerlerde FM diapazonında çalışqan ve Ukrainanıñ Dünya radio hizmetiniñ orta dalğalarında (1431 kHz) radioeşittirüvlerini yayınlağan Donbass.Aqiqat Radiosı leyhası, 2016 senesi yanvarniñ 23-nden başlap, Donetsk ve Lugansk vilâyetleriniñ Ukrainanıñ kontroli altında olmağan rayonları içün yayınlarını translâtsiya ete.