Новости за 11.02.2018

د یکشنبې پر ورځ له مسکو څخه اورسک ته روانه یوه الوتکه پرېوته چې پکې ټول سپاره ۷۱ کسان ووژل شول. د روسیې د بېړنیو حالاتو وزارت یوه ډله د پېښې ځای ته ورغلې چې د الوتکې د پرېوتو لامل معلوم کړي. د رویټرز اژانس ویډیو.

د فرورۍ په لسمه په اسلام اباد کې د افغان او پاکستاني چارواکو له دوو ورځنیو خبرو اترو وروسته ګډه اعلامیه خپره نه شوه. دې کار یو شمېر پوښتنې مخې ته راوړې دي. د دواړو اړخونو په بیانونو کې فرق څه معنا لري؟

رویټرز خبري اژانس لیکي په شام کې حکومت پلوه ځواکونه او کردي جنګیالي په مختلفو سیمو کې د یو بل خلاف جنګیږي خو په عفرین کې بیا د دواړو مقصد د ترکیې مخنیوی کول دي. دواړه خواوې په سیمه کې د ترکیې مخ په زیاتېدونکي اثر رسوخ خلاف دي.

کابل ښاروال وايي د پولیسو د تلاشي ځایونو پر امنیت مثبت تاثیر کړی خو تر څنګ یې ټرافیکي ستونزې هم زیږولي دي. په دغه ویډیويي راپور کې چې ابراهیم صافی جوړ کړی ویني چې ګرین زون خلک په کومه اندازه له ټرافیکي ستونزو سره مخ کړي دي. ایديټ: نصرت پارسا

د عوامي نیشنل ګوند مشر اسفندیارولي خان وايي د قبایلي سیمو په شان دې د بلوچستان پښتون مېشتې سیمې هم د خیبر پښتونخوا صوبې برخه وګرځول شي. نوموړي دغه څرګندونې د خالي په ورځ د پېښور په نشترهال کې د ملګرو وکیلانو غونډې ته د وینا پرمهال وکړې.

په پاکستان کې که جمهوريت وو او که امريت، ترهګري وه او که سختدریځي، عاصمه جهانګير به پر هره موقع او هر ځای د قانون واکمنۍ، بشري حقونو او له زغمه ډکې ټولنې لپاره خپل غږ پورته کاوه.

د غېرنیونې په سیالۍ کې د هېواد د ګڼو ولایتونو پهلوانانو ګډون کړی وو. د لوبې سمبالوونکي وايي، په دې سره غواړي، چې د هېواد د بېلابېلو سيمو او ژبو خلک یوالي ته را وبولي. ویډیو: محمدصادق ریښتینی ایډیټ: تمیم اخګر

د مشال مرکه خپرونې پاڼې ته ښه راغلاست. په خپرونه کې مو د پښتنو د ساتنې غورځنګ (پښتون تحفظ موومېنټ) له مشر منظور احمد پښتون سره خبرې کړې دي.

په دغه غونډه کې چې چې په یوه ځايي لوبغالي کې جوړه شوې وه، دیني عالمانو، قومي مشرانو، مدني فعالانو او د ولایتي شورا يو شمېر غړو ګډون وکړ او د لرې پښتونخوا د ولسونو سره یې ملاتړ اعلان کړ.

د پاکستان نومیالۍ قانونپوهه او د بشري حقونو فعاله عاصمه جهانګیر د ۶۶ کلونو په عمر کې مړه شوه. د پاکستان دولتي راډیو او نورې رسنۍ وايي، عاصمه جهانګیر د خالي په شپه ناوخته روغتون ته وروړل شوې وه چې د یکشنبې پر ورځ مړه شوه.

د افغانستان د ولسي جرګې اداري پلاوی وايي له پاکستان سره په خبرو کې افغانستان برلاسی دی.د دغې جرګې دوهم مرستیال نذیر احمدزي د یکشنبې پر ورځ دا څرګندونې له هغې وروسته  مشال راډيو ته وکړې چې د افغانستان او پاکستان د بهرنیو چارو وزارتونو موافقې ته د نه رسیدو په اړه خبر ورکړ.

يو ایراني نژاده کاناډایی اکاډمیک او د چاپیریال فعال د تهران په زندان کې مړ شوی. دا خبره د هغه زوی د فبرورۍ په ۱۰ په ټویټر او انسټاګرام پاڼو کړې ده. سيد امامي کاووس د جنورۍ په میاشت کې د ايراني چارواکو لخوا بندي شوی و.

د نړۍ مشهورو لوبغاړو لکه شاهد افريدی، ويريندر سهواګ، ظهير خان، محمد کېف او ډېرو نورو په سويټزرلېنډ کې د واورو په مېدان کرکټ وکړ. دا شل اووريزې لوبې د شاهد افريدي لوبډلې وګټلې. دا مېدان د اوبو پر هغه ډنډ جوړ شوی چې د ډېرې يخنۍ له وجې واوره شوی دی.

پاکستاني چارواکو په دې هېواد کې مېشت د افغان کډوالو د ستنولو لپاره په وار وار مهلت ورکړی خو هلته مېشت افغان کډوال وايي يو خوا په لاس کې څه نه لري او بلخوا هلته امنيت نشته.

د پښتون ژغورنې غورځنګ مشر، منظور پښتون وايي که د پاکستان حکومت ورسره په ليکلي بڼه کړې وعدې پوره نه کړي نو بيا به احتجاج پېلوي. هغه پرون په اسلام اباد کې د خپلې لس ورځنۍ ناستې تر ختمولو وروسته په خپله فېسبوک پاڼه خپرې کړې ويډيويي پېغام کې واضحه کړې چې کار يې لا ختم نه دی.

امريکې د هغو بمونو ويډيو خپره کړې چې له بې ۵۲ الوتکو يې "په بدخشان کې يې د طالبانو په مرکزونو" غورځولي دي. دوی په يوه ورځ ۲۴ بمونه وغورځول او وايي "د طالبانو مرکزونه يې له منځه يووړل".