Новости за 08.03.2018

د بشري حقونو د څار سازمان هيومن رايټس واچ او غير حکومتي ادارې جسټس پروجېکټ پاکستان په سعودي عرب کې له پاکستانيو زندانانو سره د قانوني چلند په اړه په شريکه يو ځانګړی رپورټ خپور کړی دی. په رپورټ کې ويل شوي چې د زندانيانو پرضد د سعودي عرب په عدالتي کاروايانو کې نيمګړټياوې دي. پر ۲۹ پاڼو مشتمل دې رپورټ ته ((په لومه کې راګېر، د سعودي عرب د انصاف رسولو په نظام کې له پاکستانيانو سره چلند)) عنوان ورکړل شوی دی. په سعودي عرب کې له ۲۰۱۴ م کاله راهيسې ۷۳ پاکستانيان په دار ځړول شوي دي چې پکې زياتره د نشيي توکو د قاچاک په تور کې زندۍ شوي دي. Читать дальше...

هنرمندان وايي، د پېښور په غونډه کې یې د موسيقۍ او نورو ښکليو هنرونو مخې ته ستونزې په ګوته او د هغو د حل پر لارو چارو خبرې وکړې.

د ښځو نړیوالې ورځې په تړاو د پېښور ارباب نیاز لوبغالي کې د ښځو کرکټ لوبه وشوه چې موخه یې هغوی په خپلو حقونو خبرول او اګاه کول دي. دا شل اووریزه سیالي د پېښور کرکټ ډلې او کشمیر کرکټ ډلې ترمنځ وشوې.

په خوست کې یو شمېر ښځینه مدني فعالانې او د ولایتي شورا غړې وايي، چې تر اوسه هم د پوهنې او روغتیا پرته په نورو رسمي ادارو کې د ښځو ونډه لږه ده او په ځانګړي ډول د اطرافو او کلیوالو سیمو ښځې له زده کړو، کار او کسب محرومې پاتې شوې دي.

د کندهار چارواکي وايي د دغه ولایت په میوند ولسوالۍ کې د هوايي برید پر مهال ۶۰ وسله وال طالبان وژل سوي او په زیات شمیر نور ټپیان سوي دي.

د ښځو نړیوالې ورځې په تړاو د اسلام اباد په ګډون د پاکستان په ځينو ښارونو کې نن د ښځو ازادۍ په نوم مارچ ترسره کېږي.

د پاکستان د کورنیو چارو وزیر احسن اقبال وايي، یوازې ریاست یا دولت د جهاد اعلانولو اختیار لري.

ملګري ملتونه وايي پاکستان، ایران او د منځني ختیځ هېوادونه له هغو ملکونو څخه دي چې پکې د ښځو لپاره د روزګار موقعې لږې دي او پکې د ښځو د بې روزګارۍ شرح زیاته ده.

رپورټونه وايي، د شورو په ورځ امریکايي ډرون الوتکو د افغانستان د کونړ ولایت په سري سلطان شاه سیمه کې برید کړی چې پکې یې د طالبانو یو کمانډر هلال مرکز په نښه کړی دی.

د پاکستان سوپر لیګ په سلسله کې په دوبۍ کې کویټه ګلیډیټرز بیګا په یوه خوندوره لوبه کې ملتان سلطان ته په دوو ویکټو ماتې ورکړه. د لوبې ټاس کویټه ګلیډیټرز ګټلی و او ملتان سلطان ته یې د لومړی بيتڼګ کولو موقع ورکړه. ملتان سلطان په ټاکلو شلو اورونو کې د ۵ لوبغاړو په تاوان ۱۵۲ منډې جوړې کړې.

د پښتون تحفظ غورځنګ مشران وايي، حکومت ته د دوی د غوښتنو لپاره ورکړل شوی میاشتنی مهلت مخ په ختمېدو دی، خو داسې ښکاري لکه حکومت چې د دې لپاره جدي نه معلومیږي او چټک ګامونه نه پورته کوي.