Новости за 02.04.2018

د پاکستان ليری شوی وزيراعظم، نوازشريف او د هغه لور مريم نوازشريف د اپرېل په دوهمه په اسلام اباد کې احتساب عدالت ته وړاندې شول.

د پښتون ژغورنې غورځنګ يو مشر محسن داوړ د اپرېل په دوهمه مشال راډيو ته وويل چې دوی د پښتنو مسلې راخيستې نو ځکه يې اکثره ګوندونه ملګرتيا کوي او ورته يې ويلي دي چې خپل غړي به د اپرېل په اتمه د پېښور جلسې ته ورلېږي.

د پاکستان بهرنيوو چارو سيکريټرې تهمينه جنجوعه په کابل کې د افغان چارواکو او د امريکې بهرنيوو چارو مرستيالې وزيرې اليس ويلز د پاکستاني پوځ مشر سره ملاقات کړی دی.

افغان حکومت وايي، په پېښور کې د افغان بلډنګ د ملکیت په سر راپورته شوې لانجه ناحقه ده او دوی به د دغې ودانۍ ملکیت هغو کسانو ته پرېنږدي چې په جعلکارۍ یې د یادې ودانۍ کاغذونه جوړ کړي او د همدې په بنیاد یې په پېښور های کورټ کې مقدمه ګټلې ده.

په اسلام اباد کې د افغانستان او پاکستان د پښتنو درې ورځنۍ مېله پای ته رسېدلې. د یکشنبې یا اتوار پر شپه تر ناوخته پورې د موسیقۍ محفل هم وشو او تر دې مخکې په مېله کې ګڼ سټالونه لګول شوي ول چې پکې د پښتنو دودیز او نور طبیعي او په لاسونو جوړ شیان خرڅلاو ته ایښي ول. دا مېله د کلتور په نوم یوې ټولنې جوړه کړې وه. ویډیو وګورئ.

پښتونخوا ولسي تحریک د اپرېل پر اتمه په پېښور کې د پښتون ژغورنې غورځنګ د جلسې ملاتړ اعلان کړی دی. د تحریک مشر اجمل خان اپریدي د ګل پر ورځ په پېښور کې تر خبري غونډې وروسته مشال راډیو ته وویل، دوی د خپل تحریک غړو ته ویلي چې په بېلا بېلو سیمو کې خلک د پېښور جلسې ته وروبولي. تفصیل په ویډیو کې.

هرڅوک چې کور پرېږدي نو په خپل لاس ورته تاله لګوي او په خپل لاس يې خلاصوي. خو د ملالي کورنۍ نه کور ته په خپله کور ته تاله ولګوله او نه يې هم خلاصه کړه.

هرڅوک چې کور پرېږدي نو په خپل لاس ورته تاله لګوي او په خپل لاس يې خلاصوي. خو د ملالي کورنۍ نه کور ته په خپله کور ته تاله ولګوله او نه يې هم خلاصه کړه.

د هند تر واک لاندې په کشمیر سیمه کې د پولیسو او مظاهره کونکیو ترمنځ د تېرې ورځې د اخ و ډب نه پس چې پکې شل کسان وژل شوي وو، راپورونه وايي نن د هړتال، او د امنیتي محدودیتونو له وجې هرڅه په ټپه درېدلي دي.

د پاکستان انتخاباتو کمیسون ویلي، د راتلونکیو پارلېماني انتخاباتو پر مهال به د رایو ټول مرکزونه له ګوګل نقشې سره وتړي چې ولس په اسانه د رایو مرکزونو ته ځانونه ورسولی شي.

پښتون تحفظ مومنټ په یکشبنه د خیبر ایجنسۍ په جمرود او لواړګي کې دوې جلسې وکړې چې پکې خلکو ته د پېښور د اتم اپریل په جلسه کې د ګډون بلنه ورکړل شوه.

په شمالي وزیرستان کې ځوانانو او حکومتي افسرانو یوه ټولنه جوړه کړې چې د تعلیم په اړه اګهي پیدا کوي. د دې ټولنې غړي او مشران د دته خېلو یوه داسې کلي ته ورغلي چې پکې ګڼ خلک اوسي خو وايي، له لسیزو راهیسې پکې تعلیم نشته، یو های یا ثانوي سکول هم نه لري او نجونه خو یې ښوونځی پېژني هم نه. د مشال راډیو خبریال ویډیويي رپورټ لري.