Ասել ու կրկին ասում եմ` Հայաստանում չի կարող լինել երկրորդ կառավարություն. վարչապետ
Լեռնային Ղարաբաղում տեղի ունեցածը հերթական դավադրությունն էր Հայաստանի պետականությունը ծնկի բերելու համար, որի իրագործումը, սակայն, չստացվեց։ «Արմենպրես»-ի հաղորդմամբ՝ այս մասին հայտարարեց Հայաստանի վարչապետ Նիկոլ Փաշինյանն ԱԺ-ում Հայաստանի Հանրապետության կառավարության ծրագրի (2021-2026 թթ.) 2023 թվականի կատարման ընթացքի և արդյունքների մասին զեկույցի քննարկման ժամանակ ունեցած ելույթում: «Այն, ինչ տեղի ունեցավ Լեռնային Ղարաբաղում, իրականում, Լեռնային Ղարաբաղի մասին չէր։ Դա հերթական դավադրությունն էր։ […]
The post Ասել ու կրկին ասում եմ` Հայաստանում չի կարող լինել երկրորդ կառավարություն. վարչապետ first appeared on MediaLab Newsroom-Laboratory.
Լեռնային Ղարաբաղում տեղի ունեցածը հերթական դավադրությունն էր Հայաստանի պետականությունը ծնկի բերելու համար, որի իրագործումը, սակայն, չստացվեց։ «Արմենպրես»-ի հաղորդմամբ՝ այս մասին հայտարարեց Հայաստանի վարչապետ Նիկոլ Փաշինյանն ԱԺ-ում Հայաստանի Հանրապետության կառավարության ծրագրի (2021-2026 թթ.) 2023 թվականի կատարման ընթացքի և արդյունքների մասին զեկույցի քննարկման ժամանակ ունեցած ելույթում:
«Այն, ինչ տեղի ունեցավ Լեռնային Ղարաբաղում, իրականում, Լեռնային Ղարաբաղի մասին չէր։ Դա հերթական դավադրությունն էր։ Նպատակները շատ կոնկրետ էին` Հայաստանը ներքաշել պատերազմի մեջ, Երևանում ստեղծել ներքաղաքական քաոս, տապալել լեգիտիմ կառավարությունն ու հաստատել մարիոնետային կառավարություն` ըստ էության, Հայաստանի լուծարային հանձնաժողով»,-ասաց Փաշինյանը։
Նրա խոսքով՝ այս անգամ էլ չստացվեց այդ դավադրության իրագործումը։
«Պատճառներից առաջինը հայ ժողովրդի պետական մտածողությունն է, երբ մարդիկ վստահեցին կառավարության գնահատականներին»,-ասաց նա:
Վարչապետը նշեց, որ Հայաստանի պետականության դեմ ուղղված հերթական սցենարի չիրագործման պատճառ է նաև այն, որ ԼՂ-ից բռնի տեղահանված մեր քույրերն ու եղբայրները չներքաշվեցին օտար օրակարգերի իրագործման մեջ: «Նույնը, սակայն, չենք կարող ասել ԼՂ նախկին վերնախավի որոշ ներկայացուցիչների մասին, ովքեր, կարծես, չեն ուզում հրաժարվել Հայաստանում թշնամական հարվածների փարոսիկներից: Ասել ու կրկին ասում եմ` Հայաստանում չի կարող լինել երկրորդ կառավարություն, Հայաստանում կա մեկ կառավարություն, որը հիմա նստած է այս դահլիճում, Հայաստանում կա մեկ Ազգային ժողով, որը նստած է այս դահլիճում»,-ընդգծեց վարչապետը:
The post Ասել ու կրկին ասում եմ` Հայաստանում չի կարող լինել երկրորդ կառավարություն. վարչապետ first appeared on MediaLab Newsroom-Laboratory.