ანჯეი დუდა ნიუ-იორკში ზელენსკისთან შეხვედრას გეგმავს
პოლონეთის პრეზიდენტმა ანჯეი დუდამ განაცხადა, რომ რამდენიმე დღეში უკრაინის პრეზიდენტ ვოლოდიმირ ზელენსკის ნიუ-იორკში შეხვდება.
„ჩვენ შევთანხმდით, რომ რამდენიმე დღეში შევხვდებით ნიუ-იორკში. სხვა საკითხებთან ერთად, ვისაუბრებთ მარცვლეულზე“, – აღნიშნა დუდამ.
მან ხაზგასმით აღნიშნა, რომ პოლონეთი არ არის დაინტერესებული, რომ უკრაინული მარცვლეული მის ბაზარზე გაიყიდოს, რადგან ქვეყანამ „უნდა დაიცვას თავისი ინტერესები“, მაგრამ დასძინა, რომ ამავე დროს პოლონეთი ცდილობს დაეხმაროს უკრაინას.
მედიაში გავრცელებული ინფორმაციით, ვოლოდიმირ ზელენსკი შეერთებულ შტატებში ამერიკელ კოლეგასთან შეხვედრას გეგმავს.