ხორხე არეაზა: ვენესუელა არავის მისცემს ნებას, თავს მოახვიოს გადაწყვეტილება ან ბრძანება
ცხრა ქვეყანამ მხარი დაუჭირა სხდომის ჩატარებას. აშშ-ს სურდა უშიშროების საბჭოს მიეღო განცხადება, რომელშიც სრულ მხარდაჭერას გამოხატავდნენ ვენესუელის ეროვნული კრების და ქვეყნის „მხოლოდ დემოკრატიული არჩევნების შედეგად არჩეული ინსტიტუტებისთვის“. რუსეთმა და ჩინეთმა, მათთან ერთად სამხრეთმა აფრიკამ და ეკვატორულმა გვინეამ მხარი არ დაუჭირეს ინიციატივას.
აშშ-ის სახელმწიფო მდივანმა, მაიკ პომპეომ მოუწოდა გაეროს ყველა წევრს, აღიარონ ხუან გუაიდო ვენესუელის გარდამავალ პრეზიდენტად. „ყველა სხვა სახელმწიფოსთვის მოვიდა დრო, პოზიცია დაიკავონ. გადადების და თამაშის დრო წავიდა. ან თავისუფლების ძალებთან ხართ, ან მადუროს და ქაოსს ემხრობით“, განაცხადა პომპეომ გაეროს უშიშროების საბჭოს საგანგებო სხდომაზე 26 იანვარს, როცა შეეხო ვენესუელის პრეზიდენტს, ნიკოლას მადუროს, რომლის გადადგომას ვაშინგტონი მოითხოვს.
ვენესუელის საგარეო საქმეთა მინისტრმა, ხორხე არეაზამ გაეროს უშიშროების საგანგებო სხდომაზე განაცხადა, რომ უარყოფს ვენესუელის მიმართ უცხოეთიდან გამოთქმულ მოთხოვნებს, მათ შორის, რვა დღეში ჩატარდეს საპრეზიდენტო არჩევნები, რომელიც ევროპის კავშირის ქვეყნებს ეკუთვნის.
არეაზამ განაცხადა, რომ არც ერთ სახელმწიფოს „შეუძლია უკარნახოს ჩვენს ქვეყანას მისი ბედი“. „ვენესუელა არავის მისცემს ნებას თავს მოახვიოს გადაწყვეტილება ან ბრძანება“, განუცხადა არეაზამ გაეროს უშიშროების საბჭოს, ჩვენ გავაგრძელებთ გავყვეთ დემოკრატიის ჩვენეულ გზას, თქვა ვენესუელის საგარეო საქმეთა მინისტრმა ნიუ-იორკში. არეაზამ აშშ-ის მედიით და ტვიტერით აშშ-ის ვიცე-პრეზიდენტის, მაიკ პენსის და სახელმწიფო მდივნის, მაიკ პომპეოს მიერ გავრცელებული განცხადებები მოიხმო როგორც დასტური იმისა, რომ ვაშინგტონია, როგორც არეაზამ განაცხადა, „ოპოზიციური ფიგურის, ხუან გუაიდოს „სახელმწიფო გადატრიალების უკან“.
გაეროს უშიშროების საბჭოს სხდომის წინ, გერმანიამ, საფრანგეთმა და ესპანეთმა გამოაცხადეს, რომ ოპოზიციის ლიდერს, ხუან გუაიდოს აღიარებენ გარდამავალ პრეზიდენტად, თუ რვა დღის განმავლობაში არ გაიმართება არჩევნები. ნიკოლას მადურომ, რომელმაც სადავო არჩევნებში გაიმარჯვა შარშან და რომელმაც ფიცი დადო 10 იანვარს, უარი თქვა გადადგომაზე მიუხედავად ოპოზიციის და უცხოეთის ზეწოლისა.
ოპოზიციის ლიდერმა, ხუან გუაიდომ, 23 იანვარს თავი გამოაცხადა ვენესუელის გარდამავალ პრეზიდენტად, როცა ვენესუელელები ქუჩაში გავიდნენ და პრეზიდენტ ნიკოლას მადუროს გადადგომას მოითხოვდნენ. მადურომ გაწყვიტა დიპლომატიური კავშირი აშშ-თან და ამერიკის დიპლომატიურ კორპუსს ქვეყნის დატოვება მოთხოვა. გუაიდომ პრესკონფერენციაზე, 25 იანვარს, მოუწოდა მომხრეებს, მოაწყონ მასობრივი დემონსტრაციები მომავალ კვირაში და უთხრა მათ, თავისი დაპატიმრების შემთხვევაში გააგრძელონ მშვიდობიანი გამოსვლების კურსი. მადურო დიალოგის მომხრეა.
აშშ-მა, ევროპის კავშირმა და სამხრეთ ამერიკის ქვეყნების ნახევარზე მეტმა, ასევე ალბანეთმა, ოპოზიციას გამოუცხადა მხარდაჭერა. რუსეთი, ირანი, თურქეთი, კუბა, ბოლივია და ნიკარაგუა მადუროს ემხრობიან.