ირანში 1979-2009 წლებში დააპატიმრეს და სიკვდილით დასაჯეს 860-მდე ჟურნალისტი
პარიზში დაფუძნებულ უფლებადამცველ ჯგუფს ეს ცნობა მოჰყავს ირანის იუსტიციის უწყებიდან გამოჟონილ დოკუმენტებზე დაყრდნობით.
7 თებერვალს გამართულ პრესკონფერენციას ესწრებოდა ირანელი უფლება დამცველი, შირინ ებადი, მშვიდობის დარგში ნობელის პრემიის ლაურეატი 2003 წელს.
რეპორტიორები უსაზღვრებოდ იტყობინება, რომ ინფორმატორის მიერ მოწოდებული მასალა შეიცავს 1,7 მილიონ საქმეს, რომლებიც ეხება ირანელ უმცირესობებს, ოპოზიციის წევრებს, ჟურნალისტებს და პირებს, რომლებსაც არ ჩაუდენიათ სისხლის სამართლის დანაშაული.
ორგანიზაციის რეპორტიორები უსაზღვრებოდ გენერალური მდივნის, კრისტოფ დელუარის თქმით, მისმა კოლეგებმა თვეები გაატარეს სხვა ჯგუფების მონაცემებთან საქმეების შედარებაში.
„მასალა შეიცავს დაკავების, დაპატიმრების და სიკვდილით დასჯის ყველა შემთხვევას, რომელიც აღსრულდა ირანის ხელსიუფლების მიერ თეირანის რეგიონში სამი ათწლეულის განმავლობაში, აცხადებს რეპორტიორები უსაზღვრებოდ. ორგანიზაციის ანგარიშის გამოქვეყნების ფონია ირანის ისლამური რევოლუციის მე-40 წლისთავის აღნიშვნა.
დაკავებულ, დაპატიმრებულ და სიკვდილით დასჯილ, სულ მცირე, 860 ჟურნალისტს შორის 218 ქალი იყო. მათ აპატიმრებდნენ „მტრულ უცხო სახელმწიფოსთან თანამშრომლობისთვის“, „ქვეყნის უსაფრთხოების წინააღმდეგ ქმედებისთვის“, „ანტისამთავრობო პროპაგანდისთვის“ და ჯაშუშობისთვის. ჟურნალისტების წინააღმდეგ იყენებდნენ ასევე ბრალდებებს, როგორიცაა „სიწმინდის და ისლამის შეურაცხყოფა“ და „უზენაესი ლიდერის შეურაცხყოფა“.
უფლება დამცავი ჯგუფის თანახმად, დაკავებული ჟურნალისტების უმეტესობას არ ჰქონდა ძირითადი უფლებების გამოყენების, ადვოკატის ყოლის, ოჯახთან კავშირის შესაძლებლობა. მათ მიმართ იყენებდნენ ძალადობას და აწამებდნენ მათ, აცხადებს რეპორტიორები უსაზღვრებოდ თავის ანგარიშში, რომლის თანახმად, დადგენლია სულ მცირე ოთხი ჟურნალისტის ვინაობა, რომლებიც სიკვდილით დაისაჯნენ ირანში და მათ შორისაა სიმონ ფარზამი, ებრაული წარმოშობის ირანელ-შვეიცარიელი, რომელიც დაპატიმრების დროს, 1980 წელს ფრანს პრესის სააგენტოს ბიუროს განაგებდა.
ანგარიშის თანახმად, მოძიებული საქმეების მიხედვით, 1980 წლის შემდეგ 61900 პოლიტიკური პატიმარი იყო ირანში. სულ მცირე, 520 მათგანი 15-დან 18-წლამდე ასაკისა იყვნენ. ანგარიშის ავტორების წერენ, რომ საქმეები დამატებითი დასტურია ერთ-ერთ ციხეში 1988 წელს მოწყობილი ხოცვა-ჟლეტისა, როცა მოკლეს ათასობით პოლიტპატიმარი ირანის რევოლუციის ლიდერის, აიათოლა რუჰოლა ხომეინის მიერ გამოცხადებული ფათვას შედეგად.