თურქეთი აშშ-დან კრიტიკის მიუხედავად არ აპირებს, უარი თქვას რუსეთისაგან S-400 საზენიტო სისტემების ყიდვაზე
მოსკოვში ერდოანის წელს უკვე მესამე ვიზიტის ფონია აშშ-ისა და სხვა ნატოელი მოკავშირეების დავა ასევე ნატოს წევრ თურქეთთან მისი გადაწყვეტილების გამო, იყიდოს რუსული წარმოების საზენიტო-საჰაერო რაკეტები, რომლებიც შეუთავსებელია ნატოს სისტემებთან და მიჩნეულია საფრთხედ ამერიკული წარმოების F-35 საბრძოლო თვითმფრინავებისათვის.
მაგრამ ანკარამ და მოსკოვმა ბოლო წლებში მჭიდრო ურთიერთობა დაამყარეს. ამავდროულად უარესდება ვაშინგტონთან და ევროკავშირთან თურქეთის ურთიერთობა.
პუტინი S-400-ის შესახებ კონტრაქტს უწოდებს „მთავარ პრიორიტეტს“ ორ ქვეყანას შორის თანამშრომლობის კუთხით. მისივე თქმით, შეიარაღების სფეროში მზადდება სხვა შეთანხმებებიც.