აშშ გააუქმებს ირანის ნავთობის შესყიდვის გამონაკლისის სახით გაცემულ ნებართვას

ტრამპის ადმინისტრაცია ხუთ სახელმწიფოს, მათ შორის თავის მოკავშირეებს, იაპონიას, სამხრეთ კორეას და თურქეთს, მათთან ერთად ინდოეთსა და ჩინეთს, უცხადებს, რომ ვადა გაუვიდა ვაშინგტონის სანქციების მიუხედავად მათთვის მინიჭებულ გამონაკლის უფლებას, შეისყიდონ ირანის ნავთობი.


ინფორმაცია გავრცელდა სააგენტოების მიერ, რომლებიც ეყრდნობოდნენ სახელმწიფო დეპარტამენტის წარმომადგენლებს.


ამის თაობაზე აშშ-ის სახელმწიფო მდივანი, მაიკ პომპეო განცხადებას აკეთებს 22 აპრილს. პომპეომ, 10 აპრილს თქვა, რომ აშშ-ის პრეზიდენტი, დონალდ ტრამპი გააგრძელებს ირანზე ზეწოლას, რათა „მათი ქცევა შეცვალოს“.


ირანისთვის ნავთობის ექსპორტი შემოსავალის მთავარი წყაროა და თეირანისთვის დიდი დარტყმა იყო აშშ-ის მიერ სანქციების კვლავ ამოქმედება.


პომპეოს განცხადების წინ ირანის ნავთობის სამინისტროს წარმომადგენელმა უთხრა ირანის სააგენტო თასნიმს, რომ აშშ ვერ შეძლებს ირანის ექსპორტის მთლიანად შეჩერებას.