ჩრდილოეთ ირლანდიაში გაათავისუფლეს ლაირა მაკკის მკვლელობასთან დაკავშირებით დაკავებულები
ახალგაზრდები 20 აპრილს დააკავეს. მაშინ იტყობინებოდნენ, რომ ისინი 18 და 19 წლის არიან და რომ ისინი დააკავეს ტერორიზმის წინააღმდეგ ბრძოლის კანონის ძალით.
29 წლის ჟურნალისტი ქალი, ლაირა მაკკი 18 აპრილს თავში გასროლით მოკლეს ჩრდილოეთ ირლანდიის ქალაქ ლონდონდერიში.
პოლიცია არ გამორიცხავს, რომ თავდასხმასთან კავშირი აქვს „ირლანდიის ახალ რესპუბლიკურ არმიას,“ რომელიც მხარს უჭერს დიდ ბრიტანეთში შემავალი ჩრდილოეთ ირლანდიის შესვლას ირლანდიის შემადგენლობაში.
ირლანდიის რესპუბლიკაში დამოუკიდებლობის დღის წინ პოლიცია ლონდონდერიში ატარებდა სამძებრო ოპერაციას, რომელიც რადიკალური რესპუბლიკელების წინააღმდეგ იყო მიმართული. ამან მოახდინა არეულობების პროვოცირება, რისი ერთადერთი მსხვერპლიც გახდა მაკკი. პოლიცია თავდასხმას ტერაქტად განიხილავს. მაკკი საგამოძიებო ჟურნალისტიკით იყო დაკავებული და ლგბტ აქტვისტი იყო.