კრემლში „ნაადრევს“ უწოდებენ ზელენსკისათვის არჩევნებში გამარჯვების მილოცვას
ჯერჯერობით ნაადრევია პრეზიდენტ პუტინის მიერ ბატონ ზელენსკისათვის მილოცვაზე და, ასევე, ერთობლივ მუშაობაზე“, - განაცხადა პესკოვმა და დასძინა, რომ ზელენსკის შესახებ „მისი კონკრეტული საქმეებით იმსჯელებენ“.
მას შემდეგ, რაც ეგზიტპოლებმა აჩვენებს, რომ ვოლოდიმირ ზელენსკიმ დამაჯერებლად გაიმარჯვა 21 აპრილის არჩევნებში, მსოფლიო ბევრმა პოლიტიკურმა ლიდერმა მიულოცა უკრაინის მომავალ პრეზიდენტს. არჩევნების შედეგებს გამოეხმაურა რუსეთის პრემიერ-მინისტრი. დმიტრი მედვედევი მიიჩნევს, რომ უკრაინაში ახალი პრეზიდენტის არჩევით გაჩნდა მოსკოვსა და კიევს შორის ურთიერთობების გაუმჯობესების შანსი.
„მთავარი, რაც უკრაინის ახალ ხელმძღვანელობას უნდა ვუსურვოთ, კეთილგონიერებაა. და რა თქმა უნდა, გააზრება ჩვენი ქვეყნების ხალხთა ურთიერთობის ფასეულობებისა, რაც პოლიტიკურ კონიუნქტურაზე მაღლა უნდა იყოს“ - დაწერა მედვედევმა ფეისბუქის პირად გვერდზე.