Новости за 08.07.2024

5 ნომრით, მაგრამ არა „ნაციონალური მოძრაობის“ სახელით - ოპოზიციის ერთ-ერთი საარჩევნო ცენტრის შემადგენლობა 8 ივლისს, ყველაზე დიდი ოპოზიციური პარტიის ყრილობაზე გაირკვა. დაფუძნდა პლატფორმა - „ერთიანობა საქართველოს გადარჩენისთვის“.

პრეზიდენტ ჯო ბაიდენის სპეციალურმა თანაშემწემ და თეთრი სახლის ეროვნული უშიშროების საბჭოს ევროპის მიმართულების ხელმძღვანელმა, მაიკ კარპენტერმა განაცხადა, რომ საქართველოსთან აშშ-ის თანამშრომლობის დიდი ნაწილი, ამჟამად გადახედვის პროცესშია.

უკრაინის პრეზიდენტმა, ვოლოდიმირ ზელენსკიმ 8 ივლისს განაცხადა, რომ უნგრეთის პრემიერ-მინისტრი, ვიქტორ ორბანი ვერ იქნება შუამავალი მოლაპარაკებებისა რუსეთსა და უკრაინას შორის, მოსკოვის მხრიდან უკრაინაში შეჭრის დასრულების მიზნით.

ევროკავშირი, 155 მმ-იანი საარტილერიო ჭურვების წარმოების შესაძლებლობების შეფასებისას, როგორც ჩანს, სასურველს რეალობად ასაღებს.

70 წელს მიტანებული მასუდ ფეზეშქიანის ირანის პრეზიდენტად არჩევას მეორე ტურში დიდი განხილვა და დავა მოჰყვა. რეფორმისტული ბანაკის მხარდაჭერით არჩეულ ფეზეშქიანში ერთნი შესაძლებლობას ხედავენ. სხვების აზრით, რეფორმირების დრო წავიდა, ახლა რეჟიმი უნდა შეიცვალოს.

"ერთიანობა საქართველოს გადარჩენისთვის", - ამ სახელწოდების პოლიტიკური პლატფორმის პრეზენტაცია გაიმართა 8 ივლისს, "ნაციონალური მოძრაობის" ყრილობაზე, რომლის წევრები პარტიის თავმჯდომარემ, თინა ბოკუჩავამ წარადგინა. მათ შორის არიან ისეთი უპარტიო სახეები, როგორებიც არიან გია ჯაფარიძე და ლაშა ბაქრაძე.

უნგრეთის პრემიერ-მინისტრი ვიქტორ ორბანი ევროპული საბჭოს პრეზიდენტ შარლ მიშელს მოსკოვში ვლადიმერ პუტინთან შეხვედრის შესახებ ანგარიშს აბარებს და ხაზს უსვამს, რომ მოლაპარაკებები ევროკავშირის ეგიდით არ უწარმოებია, - აჩვენებს გაჟონილი დოკუმენტი.

რამდენიმე დღეც და დასრულდება ევროპის ჩემპიონატი ფეხბურთში - ევრო-2024, რომელიც ბევრი რამის გამო არის მნიშვნელოვანი, თუნდაც იმის გამო, რომ პირველია რუსეთის უკრაინაში სრულმასშტაბიანი შეჭრის შემდეგ

„გლოვოს“ კურიერის მიმართ ჯანმრთელობის განზრახ მძიმე დაზიანების და ცეცხლსასროლი იარაღის მართლსაწინააღმდეგო შეძენა, შენახვის და ტარების საქმეზე პროკურატურამ ერთ პირს ბრალდება წარუდგინა. მანამდე, კურიერის დაჭრის საქმეზე გამოძიება ჯანმრთელობის განზრახ მსუბუქი დაზიანების მუხლით მიმდინარეობდა.

Z- ბლოგერებს უხარიათ, რომ აშშ საქართველოში სამხედრო წვრთნებს აღარ ჩაატარებს. მათი მტკიცებით, ეს ხელისუფლების “დაჭკვიანების” შედეგია.

6 ივლისს კარლოვი ვარის 58-ე საერთაშორისო კინოფესტივალის დახურვის ცერემონიაზე ქართველი რეჟისორის, გიორგი სიხარულიძის ფილმი "პანოპტიკონი" ეკუმენური ჟიურის პრემიით დაჯილდოვდა.

საფრანგეთი: მოსალოდნელი გამარჯვების ნაცვლად, ულტრანაციონალისტი პოლიტიკოსის, მარინ ლე პენის პარტია ვადამდელ საპარლამენტო არჩევნებში მესამე ადგილზე გავიდა. თუმცა ჯერჯერობით ბუნდოვანია, ვინ და როგორ ჩამოაყალიბებს ახალ მთავრობას.

ფეხებში დაჭრილ „გლოვოს“ კურიერს ოპერაცია ჩაუტარდა. ექიმების თქმით, მისი ჯანმრთელობის მდგომარეობა დამაკმაყოფილებელია, თუმცა სრულ რეაბილიტაციას ერთ წლამდე დასჭირდება. კურიერის დაჭრის საქმეზე გამოძიება ჯანმრთელობის განზრახ მსუბუქი დაზიანების მუხლით დაიწყო.

TV24-ის დირექტორი ამავე არხის 100%-იანი წილის მფლობელი ირა ფიჩხაძე ხდება. ცვლილებების დასარეგისტრირებლად მოთხოვნა უკვე შესულია საჯარო რეესტრში.

საფრანგეთი ამაყობს, რომ დეკარტის სამშობლოა და დარწმუნებულია, რომ ქვეყნის მოქალაქეები კარტეზიანელები არიან. Cogito ergo sum დევიზის ქვეშ გაზრდილ ფრანგებს საუკუნეებია სჯერათ, რომ ცივი გონებით და არა ცხელი ემოციებით მოქმედებენ.

უნგრეთის პრემიერ-მინისტრი ვიქტორ ორბანი კიევსა და მოსკოვში ვიზიტების შემდეგ პეკინს ეწვია. ორბანი „სამშვიდობო მისიის მესამე რაუნდში“ შეხვდა პრეზიდენტ სი ძინპინს, რადგან მიაჩნია, ჩინეთი საკვანძო ძალაა რუსეთ-უკრაინის ომის დასასრულებლად.