კანცელარიასთან ვითარებას ომბუდსმენის აპარატი აკვირდება

მთავრობის კანცელარიასთან„თბილისი პრაიდის“ ორგანიზატორებისა და მათი მოწინააღმდეგე ჯგუფის კონტრაქციის მიმდინარეობას აკვირდება სახალხო დამცველი,- ამის შესახებ ომბუდსმენის მოადგილემ გიორგი ბურჯანაძემ განაცხადა, ის აქციის ადგილას აკვირდება რამდენად ართმევს სახელმწიფო თავს უსაფრთხოების უზრუნველყოფის მოვალეობას.


“სამართალდამცველების პოზიცია, ბუნებრივია, მარტივია და ის ეფუძნება კონსტიტუციას. აქ მყოფ ადამიანებს აქვთ იმის უფლება, რომ შეიკრიბონ როგორც ჭერქვეშ, ისე გარეთ მშვიდობიანად. ამაში თუ სახელმწიფო დახმარება იქნება საჭირო იმ თვალსაზრისით, რომ თუ ვინმე შეუქმნის მათ საფრთხეს, სახელმწიფომ უნდა დაიცვას. მე და ჩემი კოლეგებიც აქ იმიტომ ვართ, რომ ვნახოთ, სახელმწიფო თავის დაკისრებულ მოვალეობას როგორ ართმევს თავს, რამდენად არის უსაფრთხოება უზრუნველყოფილი, რამდენად იცავს სახელმწიფო აქციის მონაწილეებს იმ პირებისგან, რომლებიც შეიძლება, საფრთხეს უქმნიდეს აქაურობას. ვაკვირდებით და კონკრეტული შეფასების გაკეთება გაგვიჭირდება. რასაც ვუყურებთ, ამ ეტაპზე მგონი, მშვიდობაა. საბოლოო შეფასება ყველა ფაქტორის გათვალისწინებით გევქნება. მაგრამ საფრთხე რომელსაც ვხედავთ – ვერბალური შეტევები, გინება, რა თქმა უნდა, ეს არის საზოგადოებრივი წესრიგი, რომელიც ირღვევა და რომელიც ამ თვალსაზრისით, ბუნებრივია, სახელმწიფოსგან რეაგირებას უნდა საჭიროებდეს”, – განაცხადა სახალხო დამცველის მოადგილემ გიორგი ბურჯანაძემ.




კანცელარიასთან ორი აქცია მიმდინარეობს „თბილისი პრაიდის“ ორგანიზატორთა და მათი მოწინააღმდეგე ნაციონალისტური ჯგუფების მიერ ორგანიზებული. ადგილზე ვითარებას რამდენიმე ასული პოლიციელი აკონტროლებს და დაპირისპირებულ ჯგუფებს შორის კორდონი აქვს აღმართული.


აქცია „თბილისი პრაიდის“ ორგანიზატორებმა მას შემდეგ დაგეგმეს, რაც 14 ივნისს გავრცელდა საპატრიარქოს განცხადება, სადაც საპატრიარქოს წარმომადგენლები მოუწოდებენ ხელისუფლებას არ დაუშვან თბილისში პრაიდის ჩატარება.