აქციის მონაწილე: ერთ ადამიანს დაატყდება მალე ჭექა-ქუხილი, თუ არ შეისმენს ჩვენს ხმას
"ერთ ადამიანს დაატყდება მალე ჭექა-ქუხილი, თუ არ შეისმენს ჩვენს ხმას" - თქვა აქციის ერთ-ერთმა მონაწილემ, რომელმაც აღნიშნა, რომ აქცია პარლამენტის წინ, იქ, სადაც "თვალები დათხარეს".
პარლამენტის წინ მრავალათასიანი აქციის მონაწილეების მოთხოვნებია - გადადგეს შს მინისტრი გიორგი გახარია, შემდეგი არჩევნები ჩატარდეს პროპორციული წესით, გაათავისუფლონ 20-21 ივნისის ღამეს დაკავებულები და დაისაჯონ ის პოლიციელები, რომლებმაც დარბევისას ძალას გადაამეტეს.
აქცია უკვე მეოთხე დღეა იმართება და მისი მონაწილეები მოთხოვნების შესრულებამდე პროტესტის შეწყვეტას არ აპირებენ. 23 ივნისს აქციაზე რამდენიმე მონაწილემ შიმშილობის დაწყების შესახებაც გაავრცელა ინფორმაცია. ამ დროისთვის სამი ადამიანი შიმშილობს.
აქცია 24 ივნისს 7 საათზე კვლავ გაგრძელდება პარლამენტის წინ.