სანდრა რულოვსი: ეს აქციები შედეგს აუცილებლად გამოიღებს
სანდრა რულოვსმა აღნიშნა, რომ მან მოინახულა აქციისას დაშავებულები. "გაოცებული ვარ, რა გააკეთეს და რა რეზინის ტყვიები გამოიყენეს“, - აღნიშნა ყოფილმა პირველმა ლედიმ.
პარლამენტის წინ მრავალათასიანი აქციის მონაწილეების მოთხოვნებია - გადადგეს შს მინისტრი გიორგი გახარია, შემდეგი არჩევნები ჩატარდეს პროპორციული წესით, გაათავისუფლონ 20-21 ივნისის ღამეს დაკავებულები და დაისაჯონ ის პოლიციელები, რომლებმაც დარბევისას ძალას გადაამეტეს.
აქცია უკვე მეოთხე დღეა იმართება და მისი მონაწილეები მოთხოვნების შესრულებამდე პროტესტის შეწყვეტას არ აპირებენ.