გიორგი მარგველაშვილი: მმართველ გუნდს დარჩა მდარე პიარი
„ძალიან მტკივნეულია, რომ ეს ისტორია იწერება სისხლით... ეს სისხლი, რომელიც აქ დაიღვარა არის საწინდარი იმისა, რომ თქვენ იქნებით ამით გაერთიანებული, რომ თქვენ არ შეგეშინდებათ და იქნებით ამით შედუღაბებული ერთმანეთთან და მომავლის წინაშე“, - განაცხადა გიორგი მარგველაშვილმა.
მისი სიტყვებით, სჯერა რომ მომავალი დაიწერება ძალიან ნათელი და ძალიან წმინდა.
"იმ ხალხს ვინც თქვენ დაგიპირისპირდათ ძალიან სუსტი ილეთები და ხრიკები გააჩნია დღეს თქვენ წინააღმდეგ. მმართველ გუნდს დღეს დარჩა რაღაცნაირი მდარე პიარი. მდარე ჭორაობის დონის ბოტები და მეორე მხრივ რაღაცნაირი კრახაბორული ვაჭრობა. ვაჭრობა, რომელიც ვერ შედგება, იმიტომ ვერ შედგება, რომ აქ არის სიმართლე, აქ არის ძალა და სურვილი საქართველოს მომავლისა“, - განაცხადა გიორგი მარგველაშვილმა.
მან პარლამენტის წინ აქციაზე შეკრებილებს სიმტკიცისკენ მოუწოდა და მიმართა, რომ არ დაუშვან ის შეცდომა, რომელიც მისმა თაობამ დაუშვა, როდესაც ერთმანეთს დაუპირისპირდნენ. მეოთხე პრეზიდენტმა შეკრებილ საზოგადოებას, მისი სიტყვებით იუმორით უთხრა „კობახიძე - ეტა რაზ! გახარია - ეტა დვა!“