საოკუპაციო ხაზიდან გატაცებული 22 წლის დვალიშვილი საოკუპაციო ძალებმა მეორედ დააკავეს
მისი ინფორმაციით, იოსებ დვალიშვილი საქართველოს კონტროლირებად ტერიროტიაზე, საბანაოდ იყო წასული, რა დროსაც ის რუსული საოკუპაციო ძალების წარმომადგენლებმა დააკავეს:
„ლოლაანთ წყაროს ეძახიან, ცივი წყალი მოდის, იქ მიდიან ხოლმე ბიჭები საბანაოდ. თქვეს, იქ იყო წასულიო. იმათი საზღვარიც ახლოსა, მოჰკიდეს ხელი და წაიყვანეს. გუშინ მეორედ დააკავეს. პირველად რომ დააკავეს, დვალიაანთკარში უნდოდა გადასვლა, ჩვენი სახლია იქ, ახლა ოკუპირებული ტერიტორიაა. გუშინდელ ამბავზე სხვა არაფერი ვიცით. ერთადერთი რაც ვიცით, ის არის, რომ წყაროზე დააკავეს“.
17 აგვისტოს, საოკუპაციო ხაზთან, სოფლების - აძვისა და ახალუბნის სიახლოვეს, რუსეთის საოკუპაციო ძალებმა დააკავეს საქართველოს შვიდი მოქალაქე.
18 აგვისტოს გავრცელდა ინფორმაცია კიდევ ერთი, მერვე დაკავებულის, იოსებ დვალიშვილის შესახებ, რომელიც საოკუპაციო ძალების წარმომადგენლებმა ღრომის ხეობაში დააკავეს.
დაკავებულები ცხინვალის იზოლატორში იმყოფებიან.