სამართალდამცავებმა საოკუპაციო ხაზთან გატაცებული მოქალაქეების ავტომობილები ტყიდან გამოიყვანეს
მანქანები სალოცავთან ახლოს აღმოაჩინეს. ევროკავშირის სადამკვირვებლო მისიის მიერ ამოქმედებული ცხელი ხაზის მეშვეობით შედგა მოლაპარაკება და 18 აგვისტოს, საღამოს, ქართულმა მხარემ ავტომობილები კონტროლირებად ტერიტორიაზე გადმოიყვანა. შსს-ს პრესსამსახურმა ეს ფაქტი უკვე დაადასტურა.
17 აგვისტოს, სოფელ ახალუბნის 7 მცხოვრები აძვის ეკლესიის მიმდებარე ტერიტორიაზე რუსეთის საოკუპაციო ძალებმა დააკავეს. დაკავებულთა ახლობლების თქმით, ისინი ჯერ ახალუბნის სასაფლაოზე იმყოფებოდნენ და იქიდან აძვის ეკლესიისკენ გაემართნენ, ეს ეკლესია 2008 წლის აგვისტოს ომის შემდეგ ოკუპირებულ ტეროტორიაზეა მოქცეული.
ინფორმაცია მერვე დაკავებულის შესახებ 18 აგვისტოს გავრცელდა. ამჟამად დაკავებულები ცხინვალის იზოლატორში იმყოფებიან.