ზელენსკიმ მოსკოვის მიერ ყირიმის ანექსია „ბავშვის მოპარვას“ შეადარა
შეკრებილთა წინაშე, სადაც უკრაინის უამრავი დროშა ფრიალებდა, ზელენსკიმ პირობა დადო, რომ აღმოსავლეთ უკრაინის ტერიტორია, რომელსაც ახლა რუსეთის მხარდაჭერით მოქმედი სეპარატისტები აკონტროლებენ, კვლავ კიევის მმართველობას დაუბრუნდება.
ზელენსკი, ყოფილი კომიკოსი, პრეზიდენტად წელს აირჩიეს მთავრობაში ფესვგადგმული კორუფციით საზოგადოების უკმაყოფილების და ომის ფონზე, რომელსაც კიევი აწარმოებს სეპარატისტებთან ქვეყნის აღმოსავლეთში. რუსეთმა 2014 წელს დაიკავა ყირიმი და ამავე დროიდან მხარს უჭერს სეპარატისტებს, თუმცა არ აღიარებს მათთვის დახმარების გაწევას.
წელს ზელენსკიმ არ ისურვა დამოუკიდებლობის დღის ოფიციალური სამხედრო აღლუმით აღნიშვნა. წელს, როგორც მან თქვა, „აღლუმის ჩატარების ნაცვლად უკეთესია, ფული ჩვენს გმირებს მივცეთო“. ზელენსკიმ ივლისში განაცხადა, რომ 12 მილიონი ამერიკული დოლარის შესაბამის თანხას სამხედროებს გამოუყოფენ.
უკრაინამ დამოუკიდებლობა გამოაცხადა 1991 წლის 24 აგვისტოს.