ავღანეთში თალიბანმა დახოცა მთავრობის მომხრე 14 მებრძოლი
ჰერატის პოლიციის ინფორმაციით, დაჭრილია კიდევ ცხრა პირი. თალიბანის მებრძოლებმა ბოლოს უკან დაიხიეს, რადგან ავღანეთის სამთავრობო ძალებს ადგილზე მისული დამატებითი შენაერთები დაეხმარნენ. არის მსხვერპლი თალიბანის მხარესაც.
ინციდენტის ფონია აშშ-სა და თალიბანის წარმომადგენლებს შორის თვეების განმავლობაში მიმდინარე შეხვედრები, რომლებიც, გავრცელებული ცნობებით, უახლოვდება დასკვნით, შეთანხმების მიღწევის ეტაპს. ამ შეთანხმებით აშშ-მა უნდა დაიწყოს ავღანეთიდან ძალების გამოყვანა, თალიბანი კი პირობას დადებს, რომ ქვეყნის ტერიტორია არ იქნება გამოყენებული სხვა ისლამისტური ექსტრემისტული ჯგუფების თავშესაფრად.