ესპერი: აშშ-ის და თალიბანის შეთანხმება იმედისმომცემია, თუმცა საფრთხეებს შეიცავს
15 თებერვალს, მიუნხენის უსაფრთხოების კონფერენციაზე სიტყვით გამოსვლისას ესპერმა თქვა, დროა "მშვიდობას შანსი მიეცეს", ამ თითქმის 19-წლიანი კონფლიქტისთვის პოლიტიკური გადაწყვეტის გამოძებნითო. "ეს გარკვეულ რისკზე წასვლას გულისხმობს" - განაცხადა ესპერმა - "ეს ნიშნავს ჩვენი დიპლომატებისთვის უფლებამოსილების მინიჭებას და ეს ნიშნავს ჩვენს პარტნიორებთან და მოკავშირეებთან ადგილზე თანამშრომლობას, რათა ამაზე გავლენა ვიქონიოთ".
ესპერის ამ განცხადებებამდე ერთი დღით ადრე აშშ-ის მაღალჩინოსანმა ანონიმურობის დაცვის გარანტიით ჟურნალისტებს მიუნხენის კონფერენციის მსვლელობისას უთხრა, რომ აშშ-მა და თალიბანმა მიაღწიეს შეთანხმებას ძალადობის ერთკვირიან შემცირებაზე და ეს შეთანხმება "ძალიან მალე" ამოქმედდება.