კიევი და დონბასელი სეპარატისტები ერთმანეთს ადანაშაულებენ ცეცხლის გახსნაში
უკრაინის სამხედრო სარდლობის ცნობით, 18 თებერვალს მათი ერთი ჯარისკაცი დაიღუპა და ოთხი დაიჭრა მოწინააღმდეგის მხრიდან უკრაინელთა პოზიციების საარტილერიო დაბომბვის შედეგად ლუგანსკის რეგიონის ქალაქ ზოლოტოეს მახლობლად.
ამ ინციდენტის შესახებ მიღებული ცნობის შემდეგ, უკრაინის პრეზიდენტმა, ვოლოდიმირ ზელენსკიმ სასწრაფოდ შეხვედრა გამართა უკრაინის არმიის ხელმძღვანელობასთან.
ლუგანსკის რაიონის სეპარატისტული დაჯგუფების მეთაურმა, იაკობ ოსადჩიმ, თავის მხრივ განაცხადა, რომ მათი ოთხი მებრძოლი დაიღუპა უკრაინის სამხედრო რაზმთან შეტაკების დროს. ამასთან, სეპარატისტული მხარე აცხადებს, რომ ბრძოლა მას შემდეგ დაიწყო, რაც უკრაინული ჯგუფი, რომელიც მათ კონტროლირებად ტერიტორიაზე გადასვლას ცდილობდა, დანაღმულ ველზე აღმოჩნდა.
18 თებერვლის შეტაკება ბოლოა უკრაინის აღმოსავლეთ რეგიონში, სადაც 2014 წლიდან უკრაინის თავდაცვით ძალებსა და დონეცკელ სეპარატისტებს შორის მიმდინარე ბრძოლების შედეგად 13 ათას კაცზე მეტი დაიღუპა.