როჰანი: აშშ-ის სანქციებმა ხელი ვერ შეუშალა ირანს კორონავირუსთან ბრძოლაში

ირანის პრეზიდენტმა ჰასან როჰანიმ განაცხადა, რომ აშშ-ის სანქციებმა ხელი ვერ შეუშალეს ირანის შესაძლებლობას, შებრძოლებოდა ახლო აღმოსავლეთში კორონავირუსის ყველაზე დიდი აფეთქებას. „ჩვენ პრობლემები არ შეგვქმნია, რადგან ერთად ვიყავით, გვაქვს კარგი მენეჯმენტი, კვალიფიცირებული და პროფესიონალი სამედიცინო პერსონალი და ეს ყველაფერი ერთად“, განაცხადა როჰანიმ კაბინეტის სხდომაზე 2 აპრილს.


ირანის პრეზიდენტის თქმით, ისლამური რესპუბლიკის ეროვნული ბანკის ხელმძღვანელის მონაცემებით, ირანს არ ექნება უცხოური ვალუტის მხრივ პრობლემა (ირანული) წლის ბოლომდე, მარტის თვემდე.


აშშ-ის სანქციებმა ირანს წაართვა შემოსავლის წყარო და დიდი დარტყმა მიაყენა ეკონომიკას, რასაც ეროვნული ვალუტის მკვეთრი დაცემა მოჰყვა.

 

როჰანის გამოსვლის ფონია ირანის და სხვა ქვენების ოფიციალურ პირთა, ასევე გაეროს და აშშ-ის კანონმდებელთა მოწოდება, შეუმსუბუქოს ირანს აშშ-მა სანქციები, რაომლებმაც, ზოგიერთი მოსაზრებით, გაურთულა ირანს ვირუსის აფეთქებასთან ბრძოლა. ამ ქვეყანაში 3300 ადამიანი დაიღუპა, მათ შორის 50-მდე ჯანდაცვის სამსახურის თანამშრომლები, კორონავირუსით გამოწვეული დაავადებით.



აშშ-ის სახელმწიფო დეპარტამენტის წარმომადგენელმა, მორგან ორტაგუსმა ტვიტერში დაწერა, რომ როჰანის კომენტარი დასტურია ვაშინგტონის პოზიციისა, რომ ეკონომიკურმა სანქციებმა ირანს ხელი ვერ შეუშალა შებრძოლებოდა პანდემიას.