გორის მუნიციპალიტეტში კორონავირუსით ინფიცირების შემთხვევები იზრდება
სოფელ ქიწნისში გორის მერის წარმომადგენელი მოგელი ქობლიანიძე ამბობს, რომ მოსახლეობას გადაადგილებისგან თავშეკავებისკენ მოუწოდებენ და ხელისუფლების წარმომადგენლები მათი საჭიროების მიხედვით მოქმედებენ.
შიდა ქართლის გუბერნატორის მოვალეობის შემსრულებელი სიმონ გულედანი აცხადებს, რომ რეგიონში საგანგაშო მდგომარეობა არ არის, ინფიცირებული პაციენტების ჯანმრთელობის მდგომარეობაც დამაკმაყოფილებელია. მისი თქმით, საპოლიციო კონტროლი მანამდე გაგრძელდება, ვიდრე ყველა საეჭვო კონტაქტი სრულად არ იქნება გამოკვლეული.
გორის საზოგადოებრივი ჯანდაცვის ცენტრის ხელმძღვანელი მარი გიუნაშვილი ამბობს, რომ მუნიციპალიტეტში კორონავირუსით ინფიცირების შემთხვევების ზრდა მოქალაქეების მოდუნებით და ჯანდაცვის სამინისტროს რეკომენდაციების შეუსრულებლობით არის გამოწვეული.
გორში, ერთ-ერთ რესტორანში, 5 სექტემბერს ქორწილი იყო. სიძე კახეთიდან, სოფელ მატნიდან, ჩამოვიდა. ქართლ-კახური ქორწილის შემდეგ კი სოფელ ქიწნისში კოვიდ-19-ის უკვე 12 შემთხვევა დაფიქსირდა.