ოკუპირებული ცხინვალის რეგიონი ინტერნეტის გარეშე დარჩა
„იუგ-ტელეკომის“ გენერალურმა დირექტორმა ერნა ჯიოევამ სააგენტოს განუცხადა, რომ აღდგენითი სამუშაოები სწრაფი ტემპით მიმდინარეობს.
„სპეციალისტები ამჟამად ადგილზე მუშაობენ და ინტერნეტის სადენი ჰაერში გაჰყავთ, აქამდე ის მიწაში იყო გაყვანილი, რაც დაზიანების ადგილის პოვნას ართულებდა. დიდი მოცულობით სამუშაოა შესასრულებელი, მაგრამ სპეციალისტები ცდილობენ, რომ ინტერნეტკავშირი დღესვე აღადგინონ“, - განაცხადა ერნა ჯიოევამ.
ინტერნეტის მიწოდება დე ფაქტო რესპუბლიკაში ხუთშაბათს დილით გაითიშა, სპეციალისტები კი დაზიანების ადგილს თითქმის 4 საათის განმავლობაში ეძებდნენ.