არჩევნებამდე 2-3 თვით ადრე პარტია "ევროპული საქართველო" შეიქმნა, მე არ ვიცოდი - მიხეილ სააკაშვილი
"შეიქმნა არჩევნებამდე ორი-სამი თვით ადრე პარტია ევროპული საქართველო, მე არ ვიცოდი, რომ შეიქმნა"- ეს განცხადება მიხიელ სააკაშვილმა არჩევანში გააკეთა.
მიხეილ სააკაშვილის განცხადებით, რამდენიმე თვით ადრე პარალელური პლატფორმა შეიქმნა, რომელიც ამომრჩეველმა არ იცოდა.
„თავიდანვე მთელი იდეა დაფუძნებული იყო მინიმუმ, არაგულწრფელობაზე, შეიქმნა არჩევნებამდე ორი-სამი თვით ადრე პარტია ევროპული საქართველო, მე არ ვიცოდი, რომ შეიქმნა, არ ვიცოდი, რომ გიგი წერეთლის მამას დაარეგისტრირეს პარტია, რომელიც გადააფორმეს ნაციონალური მოძრაობის ფულის ნახევარი, თუ ნახევარზე მეტი, გამზადებული პლატფორმა იყო, თუ არ გამოვიდოდა პარტიის ხელში ჩაგდების გეგმა, ეს მგზავრები სხვა მატარებელში გადამჯდარიყვნენ და გზა გაეგრძელებინათ. პარალელურ რელსზე მეორე მატარებელი დააყენეს... 500 ათასზე მეტმა ადამიანმა მისცა ხმა ნაციონალურ მოძრაობას. ერთმა ამომრჩეველმა მაინც კი იცოდა, რომ ის ნაციონალურ მოძრაობასთან ერთად, ხმას აძლევდა ასეთ პარტიას დასახელებით ევროპულ საქართველოს?“- განაცხადა მიხეილ სააკაშვილმა.
სააკაშვილის თქმით, ამომრჩეველს არაკეთილსინდისიერად მოექცნენ.
"ეს არის კარგი გაკვეთილი, რომელიც მათ შორის მე ჩამიტარეს, ხალხი, ვინც რბილად რომ ვთქვათ, ამომრჩეველს არაკეთილსინდისიერად მიუდგა, ამომრჩეველს ისევ შეხვდება, ხალხს ეს არ დაავიწყდება, რბილად რომ ვთქვათ, ის გადააგდეს,"- აღნიშნა სააკაშვილმა.
საქართველოს მესამე პრეზიდენტმა ბიძინა ივანიშვილის დაინტერესებაზეც ისაუბრა.
"დღეს ივანიშვილის ოცნებები რომ განხორციელებულიყო, 27 დეკემბერს უნდა ჩატარებულიყო ყრილობა, ახალი თავმჯდომარის არჩევა უნდა გაეფორმებინა, გამოეცხადებინა, რომ მიშა სააკაშვილი ჩავაბაროთ წარსულს, ჩვენ ვართ ახლები, ჩვენთან შეიძლება ლაპარაკი, პარტიის ლიდერშიფის უმეტესი ნაწილი ამ სცენარს მიჰყვებოდა სხვადასხვა მოტივაციით,"- აღნიშნა სააკაშვილმა.
მიხეილ სააკაშვილის სააკაშვილის თქმით, პარტიაში რჩებიან იდეალისტები.
"ჩვენ ოლიგარქს ვერ მოვუგებთ ფულით, ვერ მოვუგებთ ძალით, ვერ მოვუგებთ ვერაგობით და ცბიერებით, ტყუილებით, იმიტომ, რომ მაგის მსოფლიო ჩემპიონია, ჩვენ მას მოვუგებთ იდეით და იდეალისტებით, ის, რომ პარტიაში რჩებიან იდეური ხალხი და იდეალისტები, სხვა ხალხი ვინც დაიღალა, ჩამოიშალა, ზოგიერთი შეიძლება გაიყიდა კდევაც, ეს დადებითი პროცესია, 20 იანვარს ყრილობამ ამას დიდი წერტილი უნდა დაუსვას,"- განაცხადა სააკაშვილმა.
სააკაშვილის თქმით, წინა რამდენიმე გასვლა ნაციონალური მოძრაობიდან დაკავშირებული იყო ფინანსებთან.