Новости за 26.08.2016

Філёзаф Уладзімер Падгол, кандыдат ад Партыі БНФ, у эфіры «Беларусь-3» выступіў у камізэльцы з надпісам «Куля для прэзідэнта» і ў танкісцкім шаломе.

На віншавальнай расьцяжцы гарадзенцы заўважылі старую выяву гораду над Дзьвіной.

Трэці дзень пасьля трагедыі ў Крывым Возеры: вонкава пасёлак спакойны, але частка людзей заклікае да новага штурму райадзьдзелу паліцыі, дзе быў забіты мясцовы жыхар. Іншая частка, наадварот, абараняе людзей у пагонах, а ў вёску сьцягнутыя дадатковыя сілы, каб прадухіліць пагромы.

У чым сэнс для ўлады «справы Эдуарда Пальчыса» і магчымага зьяўленьня новага палітвязьня?

У Хэрсонскай вобласьці пачаўся выраб процітанкавых «яжоў», якія будуць устаноўленыя на адміністрацыйнай мяжы з анэксаваным Расеяй Крымам.

Вугоршчына абвясьціла аб плянах пабудаваць другую загароду на мяжы з Сэрбіяй для абароны ад мігрантаў.

Менск і Масква нібыта дамовіліся вырашыць канфлікт вакол газавых цэнаў. Што стаіць за новай формулай разьлікаў за газ?

Прэзыдэнт Украіны Пятро Парашэнка ініцыюе разьвіцьцё ў Беларусі, у месцах кампактнага пражываньня этнічных украінцаў, сеткі навучальных установаў дзеля стварэньня спрыяльных магчымасьцяў вывучэньня ўкраінскай мовы.

Кандыдат у дэпутаты ад Абʼяднанай грамадзянскай партыі Ўладзімер Шанцаў дамогся, каб магілёўская друкарня надрукавала ягоныя агітацыйныя матэрыялы.

У Магілёве пабурылі стары будынак, на якім да нядаўняга часу была шыльда з пазнакаю «Гісторыка-культурная каштоўнасьць». Чытачы Свабоды даслалі фатаздымкі, на якіх замест дома застаўся груд цэглы.

Кандыдату ў дэпутаты ад кампаніі «Гавары праўду» па Рагачоўскай выбарчай акрузе № 45 Мікалаю Камароўскаму ўдалося патрапіць на прыём да міністра эканомікі Беларусі Ўладзімера Зіноўскага.

За 25 гадоў сувэрэннага існаваньня этнакультурныя каштоўнасьці застаюцца ў загоне. У чым прычыны такой зьявы?

Сьвятлану Алексіевіч узнагародзілі ў Пэкіне кніжнай прэміяй «Вэньцьзінь» (Wenjin). Гэта самая прэстыжная літаратурная ўзнагарода ў Кітаі. Яна была запачаткаваная Нацыянальнай бібліятэкай краіны ў 2004 годзе.

Указ № 318, паводле якога замежныя грамадзяне змогуць знаходзіцца бязь візаў на тэрыторыі Аўгустоўскага канала і прылеглых тэрыторыяў на працягу пяці дзён, зацікавіў турыстаў, чыноўнікаў, турапэратараў, уладальнікаў аграсядзібаў і патэнцыйных інвэстараў.

Украінскі бок гатовы да кампрамісаў дзеля дасягненьня дамоўленасьцей па вызваленьні закладнікаў. Пра гэта заявіла прэс-сакратар прадстаўніка Ўкраіны ў групе, былога прэзыдэнта Леаніда Кучмы Дарка Аліфэр па выніках сустрэчы Трохбаковай кантактнай групы ў Менску.

Віцебская абласная ўправа міліцыі загадала аднавіць адміністрацыйную справу за сьпевы на пікеце.

Усяго ў сьпісе зьніклых бязь вестак — каля 500 чалавек. Такія лічбы прывяла ў Менску на прэсавай канфэрэнцыі першы віцэ-сьпікер Вярхоўнай Рады Ўкраіны Ірына Герашчанка.

25-годзьдзе наданьня Дэклярацыі аб дзяржаўным сувэрэнітэце статусу канстытуцыйнага закону дае добрую падставу для рэфлексіі пра тое, што ж атрымалася з існаваньня незалежнай Беларусі цягам чвэрці стагодзьдзя.

Міліцыянты затрымалі жанчыну, якая ў Лоеве абражала ўдзельнікаў пікету кандыдата ў дэпутаты Аляксея Атрошчанкі.

26 жніўня кандыдаты ў дэпутаты Ўладзімер Падгол і Алесь Таўстыка правялі чарговую перадвыбарчую акцыю. Яны падалі заяўкі на будучыя пікеты ў сваіх акругах.

У Расеі арганізатара «трактарнага маршу» краснадарскіх фэрмэраў Аляксея Волчанку арыштавалі па абвінавачваньні ў экстрэмізьме.

Цяпер Дэйвід Літ узначальвае вашынгтонскі офіс камэдыйнага відэапарталу Funny or Die, але пяць гадоў да гэтага ён прапрацаваў у Белым Доме: быў сьпічрайтэрам прэзыдэнта Барака Абамы і пісаў жарты для яго выступаў.

26 жніўня кандыдаты ў дэпутаты Ўладзімер Падгол і Алесь Таўстыка правялі чарговую перадвыбарчую акцыю. Яны падалі заяўкі на будучыя пікеты ў сваіх акругах. Прычым кандыдаты 50 разоў хадзілі ў Менгарвыканкам падаваць заявы на кожны пікет. На вуліцы яны таксама трымалі сьцяжкі краінаў, дзе знаходзяцца амбасады і куды Алесь Таўстыка зьбіраецца ехаць.

Падзеі мінулага тыдня на фотаздымках сусьветных агенцтваў 20–26 жніўня 2016.

Без узгадненьня з Калякіным акруговая камісія надрукавала тэкст, зь якога выдалілі сказ «Удзельнік імпічмэнту Прэзыдэнту Рэспублікі Беларусь А. Лукашэнку ў 1996 годзе».