Новости за 29.01.2017

Былы міністар адукацыі Бэнуа Амон выйграў праймэрыз Сацыялістычнай партыі зь вялікай перавагай над супернікам — былым прэм’ер-міністрам Манюэлем Вальсам.

У Бабруйску на дзясяты дзень збору подпісаў за адмену дэкрэта «аб дармаедзтве» была затрыманая актывістка прафсаюзу радыёэлектроннай прамысловасьці (РЭП) Галіна Сьмірнова, паведамляе сайт praca-by.info.

Фэдэральны акруговы суд вынес часовую забарону на дэпартацыю ўцекачоў зь дзеючымі візамі, затрыманых раней у аэрапортах ЗША згодна з указам Дональда Трампа.

«Брацкая Ўкраіна змагаецца за свабоду», — пяць гэтых словаў Аляксандра Лукашэнкі падчас выступу перад беларускімі навукоўцамі сталі падставай для дыскусіі ўплывовых польскіх журналістаў на профілі публіцыста Пятра Сквяціньскага ў Фэйсбуку.

Кандыдат у прэзыдэнты Францыі ад партыі «Рэспубліканцы» Франсуа Фіён афіцыйна распачаў прэзыдэнцкую кампанію.

Прэзыдэнт Украіны Пётр Парашэнка з жонкай і іншыя вядомыя чыноўнікі ўшанавалі памяць герояў Крут, усклаўшы кветкі да памятнага крыжа на месцы іх пахаваньня ў мясцовасьці Аскольдава магіла ў Кіеве.

Былы прэзыдэнт Эўрапарлямэнту Марцін Шульц вылучаны нямецкімі сацыял-дэмакратамі кандыдатам на пасаду фэдэральнага канцлера ФРГ.

Віцебскі раённы аддзел Сьледчага камітэту расьсьледуе крымінальную справу ў дачыненьні да фізрука, жыхара аднаго з аграгарадкоў раёну, за сувязь з вучаніцай.

У Йемене загінуў вайсковец спэцназу ЗША, яшчэ трое параненыя.

Прэзыдэнт ЗША Дональд Трамп правёў перастаноўкі ў складзе Рады нацыянальнай бясьпекі (РНБ) і ўключыў у яе склад свайго галоўнага стратэга Стыва Бэнана.

Антон Луцкевіч — грамадзкі дзеяч, гісторык, літаратуразнаўца, публіцыст. Быў ініцыятарам абвяшчэньня незалежнасьці БНР, аўтарам трэцяй устаўной граматы, прэмʼер-міністрам БНР.

Пэтыцыя заклікае забараніць прэзыдэнту Дональду Трампу ўезд у краіну ў рамках дзяржаўнага візыту, калі кіраўнік замежнай дзяржавы прымаецца каралевай.

У паведамленьні, зробленым прэс-сакратаром чэскага прэзыдэнта, сказана, што Мілаш Зэман «даўно выступае супраць прыёму мігрантаў-мусульман; яго прыярытэтам зьяўляецца бясьпека чэскіх грамадзян», і цяпер «ён здабыў саюзьніка ў Злучаных Штатах».

Прэс-сакратар Дональда Трампа Шон Спайсэр заявіў аб рэкорднай яўцы на цырымоніі інаўгурацыі 45-га прэзыдэнта ЗША. СМІ на аснове падлікаў і фота давялі, што Спайсэр хлусіў, але дарадца Трампа Келіэн Конвэй патлумачыла: гэта зусім не мана, а «альтэрнатыўныя факты».

Беларуская дзяржаўная кампанія «Белавія» у 2016 годзе зьдзейсьніла каля 13 тысяч рэйсаў ва Ўкраіну і, такім чынам, па выніках 2016 году ўвайшла ў тройку лідэраў сярод перавозчыкаў па колькасьці палётаў, выкананых ва ўкраінскай паветранай прасторы.

Каардынатар Руху «За Свабоду» ў Менскай вобласьці Віталь Амяльковіч у пачатку студзеня ініцыяваў збор подпісаў за перайменаваньне вуліцы Камсамольскай у вуліцу Слуцкіх паўстанцаў.

Прэм’ер-міністар Вялікай Брытаніі Тэрэза Мэй ня згодная з указам прэзыдэнта ЗША Дональда Трампа, які прадугледжвае ўвядзенне забароны на ўезд грамадзян шэрагу краін зь пераважна мусульманскім насельніцтвам. Пра гэта паведаміла прэс-сакратарка кіраўніка брытанскага ўраду. «Іміграцыйная палітыка ЗША — гэта справа ўрада Злучаных Штатаў, гэтак жа як іміграцыйная палітыка ў Вялікай Брытаніі павінна вызначацца нашым урадам. Аднак мы ня згодныя з такім падыходам», — прыводзіць яе словы агенцтва Association Press. Читать дальше...

У Горадні ўласьнік прыватнага «Музэю быту Горадні» Януш Паруліс вымушаны прадаваць экспанаты з экспазыцыі, каб заплаціць за арэнду памяшканьня, у якім месьціцца музэй, паколькі аплата за арэнду амаль такая ж, як ягоная пэнсія. 80% рэчаў складаюць гістарычную і мастацкую каштоўнасьць.

З 1 лютага ў Беларусі ўсталяваныя новыя памеры спажывецкіх бюджэтаў. Новы БПМ вырасьце на 3,2% (да 180 рублёў) у параўнаньні з нарматывам, што дзейнічае з 1 лістапада 2016 года —174,52 рубля.

Каля месца крушэньня знойдзены некалькі выжыўшых. Складаныя ўмовы надвор’я абцяжарваюць пошукі.

Расея прадаставіла былому кіраўніку банка Snoras Раймандасу Баранаўскасу палітычны прытулак.

Кіруючая кааліцыя нямецкіх партый Хрысціянска-сацыяльны саюз і Хрысціянска-дэмакратычны саюз (ХСС / ХДС) у якасьці адзінага кандыдата вылучыць па пасаду канцлера Ангелу Мэркель, заявіў прэм’ер-міністар Баварыі Хорст Зеехофэр.

У Эўразьвязе краіны змагаюцца за права прадаваць свае прадукты  як унікальныя і пад нацыянальным імем. А беларускія вытворцы шыюцца пад расейскіх. Піша Вінцук Вячорка.

Неабходна ўзьняць пытаньне адказнасьці арганізацый, якія замаўляюць навучаньне кадраў на бюджэтнай аснове.

Фэдэральны акруговы суд у Нью-Ёрку наклаў часовую забарону на высылку мігрантаў зь дзеючымі амэрыканскімі візамі з аэрапортаў ЗША, нягледзячы на ўказ прэзыдэнта Дональда Трампа.