Новости за 18.04.2017

У аўторак кіраўнік МЗС РФ Сяргей Лаўроў пачаў двухдзённы візыт у непрызнаную Абхазію. Ён прыме ўдзел у адкрыцьці новага будынка амбасады Расеі і сустрэнецца з кіраўніком рэгіёну. Улады Грузіі папярэдзілі, што паездка нэгатыўна адабʼецца на нармалізацыі адносін паміж РФ і Грузіяй

19 красавіка Палата прадстаўнікоў прыступіць да разгляду ў першым чытаньні законапраекту «Аб унясеньні зьменаў і дадаткаў у некаторыя законы Рэспублікі Беларусь у пытаньнях барацьбы з тэрарызмам».

Прэзыдэнт ЗША Дональд Трамп высока ацаніў ролю Кітаю ў сытуацыі з Паўночнай Карэяй, якая пагражала Амэрыцы прэвэнтыўным ядзерным ударам.

У Гомлі абмеркавалі фармат правядзеньня першатравеньскай акцыі салідарнасьці і падрыхтоўку да кампаніі «Мясцовыя выбары».

У Сырыі загінулі яшчэ двое расейскіх кантрактнікаў — 41-гадовы Аляксей Сафонаў і 46-гадовы Уладзімер Плуцінскі. Пра гэта паведамляе агенцтва Reuters.

У сталічнай кнігарні «ЛогвінаЎ» прайшоў інтэлектуальны маратон на знак салідарнасьці з усімі, хто ўдзельнічаў у сакавіцкіх пратэстах і дэманстрацыях і хто цярпіць перасьлед і неабгрунтаваныя абвінавачаньні.

У сталічнай кнігарні «ЛогвінаЎ» прайшоў інтэлектуальны маратон на знак салідарнасьці з усімі, хто ўдзельнічаў у сакавіцкіх пратэстах і дэманстрацыях і хто цярпіць перасьлед і неабгрунтаваныя абвінавачаньні.

«Дачка сказала, што прыходзілі міліцыянты, калі дарослых не было дома. Перадалі празь дзьверы, каб я прыйшоў у суд Савецкага раёну Гомля 21 красавіка», — сказаў Максім Філіповіч Свабодзе. «Я раней пісаў заяву, каб мяне па такіх пытаньнях апавяшчалі смс альбо позвай. 19 красавіка пайду высьвятляць дату, час і зь якой нагоды выклікаюць. Падазраю, што па „акцыі недармаедаў“ у Пінску 11 сакавіка», — сказаў Максім Філіповіч.

Міжнародны валютны фонд прагназуе, што ВУП Беларусі ў 2017 годзе ўпадзе на 0,8%, гаворыцца ў красавіцкім аглядзе ўсясьветнай эканомікі.

Па выніках рэфэрэндуму, які 16 красавіка прайшоў у Турэччыне, прэзыдэнт Рэджэп Эрдаган значна ўмацаваў сваю ўладу і атрымаў права абірацца прэзыдэнтам яшчэ некалькі разоў. Дзіўнае супадзеньне: першымі павіншавалі яго ў асноўным палітыкі, якія самі даўно кіруюць.

Канадзкі прафэсар Дэйвід Марплз гуляе па Менску пасьля трох забаронаў на ўезд у Беларусь.

У анэксаваным Расеяй Крыме адбылося чарговае пасяджэньне па крымінальнай справе ў дачыненьні да журналіста Радыё Свабода Міколы Семяны.

Беларускі нацыянальны кангрэс правядзе сваю акцыю 1 траўня ў Менску на Кастрычніцкай плошчы. Акцыя павінна пачацца а 14 гадзіне.

МУС Францыі абвясьціла ў аўторак, 18 красавіка, пра затрыманьне ў Марсэлі двух мужчын, якіх падазраюць у тым, што яны рыхтаваліся бліжэйшымі днямі зьдзейсьніць тэракт. Раней паліцыя разаслала іх фота ўсім кандыдатам у прэзыдэнты Францыі.

Антыкарупцыйны цэнтар «Трэнспэрансі Інтэрнэшнл — Расея» папрасіў прэзыдэнта Расеі Ўладзімера Пуціна праверыць выкананьне антыкарупцыйнага заканадаўства прэмʼер-міністрам Дзьмітрыем Мядзьведзевым.

Суд над Натальляй Папковай у Ленінскім судзе Берасьця перанесьлі на 19 красавіка. Актывістку аргкамітэту Беларускай сацыял-дэмакратычнай партыі (Грамада) і «Маладой Беларусі» судзяць за пераход дарогі ў нявызначаным месцы і непадпарадкаваньне міліцыянтам.

У Дзяржаўнай Думе Расеі лічаць рускія службы Радыё Свабода і «Голасу Амэрыкі», а таксама тэлекампанію CNN «праваднікамі ціску ЗША на сытуацыю ў Расеі».

18 красавіка судзьдзя Мазырскага раённага суду Сяргей Алёхін пакараў тутэйшага пэнсіянэра Мікалая Новіка адміністрацыйным 15-суткавым арыштам за наклейваньне адной улёткі пра акцыю пратэсту «недармаедаў».

Дэбіторская запазычанасьць у Беларусі на 1 сакавіка 2017 году склала 30 мільярдаў рублёў, а крэдыторская — больш за 38 мільярдаў, паведамляе Нацыянальны статыстычны камітэт.

У Кіеве ад сёньня пачынаюцца рэпэтыцыі песеннага конкурсу «Эўравізія-2017», які адбудзецца ў сярэдзіне траўня.

Нобэлеўскай ляўрэатцы Сьвятлане Алексіевіч патэлефанавалі з прэзыдэнцкай адміністрацыі і прапанавалі ўзначаліць камісію па вызначэньні варыянту помніка ў Курапатах.

Вядомую праваабаронцу Тацяну Равяку вінавацяць у брыдкаслоўі і непадпарадкаваньні міліцыі падчас акцыі салідарнасьці на Кастрычніцкай плошчы ў Менску 26 сакавіка. Зь невядомых прычын на суд не зьявіўся абаронца, зь якім папярэдне Тацяна Равяка заключыла дамову. Паседжаньне перанесьлі на 26 красавіка

У менскай кнігарні «Логвінаў» літаратары выступаюць з адкрытымі чытаньнямі на знак салідарнасьці «з усімі, хто ўдзельнічаў у сакавіцкіх пратэстах і дэманстрацыях і хто цяпер цярпіць перасьлед і неабгрунтаваныя абвінавачаньні». Свабода вядзе жывую трансьляцыю.

Зьміцер Бартосік наведаў месца масавага расстрэлу мірных жыхароў партызанскай брыгадай імя Фрунзэ.

Злачынства, учыненае яшчэ на пачатку студзеня ў будынку Галоўнага ўпраўленьня барацьбы з арганізаванай злачыннасьцю і карупцыяй МУС, стала набыткам галоснасьці толькі цяпер. І тое дзякуючы Дзяржаўнаму рэестру судовых рашэньняў Украіны.