Новости за 12.06.2017

«Вельмі брутальныя мэтады структуры Лукашэнкі ўжываюць на працягу апошніх месяцаў».

Галоўны рэдактар Радыё Свабодная Эўропа / Радыё Свабода Нэнад Пэіч заклікаў вызваліць блогера і аўтара Радыё Свабода Станіслава Васіна (Аўсеева), які зьнік у Данецку ў чэрвені.

Вашынгтон асуджае масавыя затрыманьні мірных пратэстоўцаў на акцыях у расейскіх гарадах, заявіў афіцыйны прадстаўнік Белага дому Шон Спайсэр.

Двух затрыманых на акцыі супраць карупцыі ў Маскве — Антона Шапашнікава і Міхаіла Давыдава — вязуць у Сьледчы камітэт. Актывістаў абвінавачваюць у нападзе на паліцыянтаў з распыленьнем пярцовага газу.

Кніга Тані Скарынкінай «Шмат Чэслава Мілаша, крыху Элвіса Прэсьлі» ў перакладзе на ангельскую мову Джэймса Дынглі атрымала сёлета ўзнагароду PEN Translates ангельскага ПЭН-Цэнтру.

Чарнякевіч, Касатая, Краўцэвіч — Радыё Свабода запытала ў аўтарытэтных экспэртаў, як яны ацэньваюць словы нобэлеўскай ляўрэаткі пра магчымасьць канфліктаў паміж каталікамі і праваслаўнымі.

«Падчас дажджу апартамэнты СІЗА па поўнай праграме залівае вадой, і насельнікі бегаюць з тазікамі...» Пра гэта, як лічыць Усевалад Сьцебурака, напісаў яму Алесь Яўдаха. Ці магчыма, каб у СІЗА № 1 на менскай вуліцы Валадарскага са столі ў камэрах цякла вада?

Пракуроры мяркуюць, што калі Трампу не зьвязаць рукі палажэньнем Канстытуцыі аб забароне на атрыманьне замежных выплатаў, нельга быць упэўненым, што ён ня будзе кіравацца ў сваёй палітыцы выключна асабістымі інтарэсамі.

У Празе ёсьць месцы, дзе да вас паставяцца з асаблівай увагай, калі даведаюцца, што вы зь Беларусі. І нават дадуць скідку.

У суботу ў Чэхіі закончыўся штогадовы паэтычны фэстываль Stranou, у якім сёлета ўпершыню ўдзельнічалі госьці зь Беларусі.

Чым абумоўлены аглушальны посьпех на выбарах партыі прэзыдэнта Макрона? Ці можна чакаць сюрпрызаў ад другога туру? Як францускія парлямэнцкія выбары паўплываюць на нямецкія верасьнёўскія выбары?

Беларуска зь Менску Алена трымае гостэль у Празе, а таксама бістро, якое адкрыла разам зь берасьцейцам Раманам і Алінай з Паўладару. Беларускія наведнікі ў гостэлі маюць скідку, а ў бістро — асабліва ўважлівую абслугу і дапамогу землякоў. Адрас і кантакт — у канцы гэтага відэа.

Фэстываль «Stranou», які мае падзагаловак «Эўрапейскія паэты жыўцом», сёлета праходзіў 6–10 чэрвеня, ужо 10-ты раз.

Польскага параплянэрыста, які лічыў, што знаходзіцца непадалёк на тэрыторыі Польшчы, а апынуўся на ўскраіне Берасьця, вінавацяць у парушэньні дзяржаўнай мяжы.

У дзясятках гарадоў Расеі прайшлі масавыя акцыі супраць карупцыі, арганізаваныя прыхільнікамі палітыка Аляксея Навальнага. Паліцыя затрымлівала ўдзельнікаў як узгодненых, гэтак і несанкцыянаваных мітынгаў.

Міністэрства аховы здароўя адмовілася надалей працягваць перапіску з чарнобыльскім ліквідатарам з Калінкавічаў Васілём Сіліверстам наконт устанаўленьня прычыннай сувязі яго інваліднасьці з службай і працай у 30-кілямэтровай зоне Чарнобыльскай АЭС.

12 чэрвеня завяршае сваю працу ў Менску місія Міжнароднага валютнага фонду. Экспэрты знаходзіліся ў Беларусі ад 5 чэрвеня. Традыцыйнай прэс-канфэрэнцыі па выніках місіі гэтым разам ня будзе.

Сёньня ў Расеі праходзяць масавыя акцыі пратэсту. Ці варта беларускай апазыцыі карыстацца расейскім досьведам — відэаблогінг, актыўнае задзейнічаньне Youtube і сацыяльных сетак, барацьба з карупцыяй? Чаму беларускія палітыкі недастаткова актыўна і крэатыўна выкарыстоўваюць сацыяльныя сеткі? На гэтыя ды іншыя пытаньні адказвае лідэр АГП Анатоль Лябедзька.

Сяргей Кулініч, супраць якога спынілі крымінальную справу за арганізацыю масавых беспарадкаў з прычыны адсутнасьці складу злачынства, адказаў на пытаньні карэспандэнта Свабоды.

9 чэрвеня 2017 году ў Празе адбылася Ноч храмаў (Noc Kostelu). Удзень, увечар і ўначы кожны ахвочы мог прыйсьці ў большасьць праскіх храмаў, якіх у чэскай сталіцы налічваецца каля 200.

Сёньня ў Менску прайшло пахаваньне адзінага сына старшыні Цэнтарвыбаркаму Лідзіі Ярмошынай. Аляксею Ярмошыну было 40 гадоў, апошнія гады ён працаваў адвакатам у Менскай абласной спэцыялізаванай кансультацыі № 2, раней быў намесьнікам пракурора Фрунзенскага раёну Менску. Вядома, што Аляксей Ярмошын ня меў жонкі і дзяцей. Прычыны сьмерці пакуль не называюцца, але пахаваньне прайшло з закрытай трунай. Разьвітацца з Аляксеем Ярмошынам прыехала вялікая колькасьць чыноўнікаў ды дзярж апарату Рэспублікі Беларусь... Читать дальше...

Прэзыдэнт Украіны Пятро Парашэнка падпісаў зьмены ў Кодэкс аб адміністрацыйных правапарушэньнях пра забарону вырабу і прапаганды георгіеўскай стужкі.

«Лідзкае піва» запрашае напісаць агульнанацыянальную беларускую дыктоўку. Гэты праект — своеасаблівы падарунак да 950-годзьдзя Менску. Імпрэза адбудзецца ў Нацыянальнай бібліятэцы Беларусі 24 чэрвеня.

Зянон Пазьняк раскрытыкаваў словы Сьвятланы Алексіевіч падчас жывога эфіру на тэлеканале «Дождь».

Сёньня ў Расеі праходзяць масавыя акцыі пратэсту. Якім расейскім досьведам варта карыстацца беларускай апазыцыі? Чым падобныя і чым адрозьніваюцца ўмовы апазыцыйнай палітычнай барацьбы ў Беларусі і Расеі? Адказвае Мікола Статкевіч.