Новости за 10.07.2017

Расейскае дзяржаўнае інфармацыйнае агенцтва ТАСС паспрабавала схаваць паведамленьне пра тое, што Вялікі тэатар Расеі перанёс прэмʼеру балета «Нурэеў» у пастаноўцы рэжысёра Кірыла Сярэбранікава па асабістым распараджэньні міністра культуры Расеі Уладзіміра Мядзінскага.

Абвешчаныя Ўкраінай пляны пра ўвядзеньне біямэтрычнага кантролю для замежных грамадзян пры ўезьдзе на ўкраінскую тэрыторыю будуць патрабаваць дадатковых перамоў з шэрагам дзяржаў, зь якімі цяпер краіна мае пагадненьні пра бязьвізавы рэжым.

Якія вузлы міжнароднай палітыкі здолелі разьвязаць ці разрубіць удзельнікі сёлетняга саміту «вялікай дваццаткі»? Далей ці бліжэй адно да аднаго сталі ў выніку саміту ЗША і Эўразьвяз? Пра што дамовіліся Дональд Трамп і Ўладзімір Пуцін?

Распрацоўваецца канцэптуальны праект пункту пахаваньня радыеактыўных адкідаў, якія зьявяцца ў працэсе эксплюатацыі Беларускай АЭС. То бок радыеактыўныя адкіды будуць захоўвацца ў Беларусі.

Нацыянальны статыстычны камітэт Беларусі нагадаў, што чаканая працягласьць жыцьця беларусаў склала на 2016 год 74,1 года. Гэта на 1,9 года больш за чаканую працягласьць жыцьця ў 2012-м.

Нацыянальнае кадастравае агенцтва завяршыла кадастравую ацэнку земляў па відах функцыянальнага выкарыстаньня: «жылая сядзібная зона» і «рэкрэацыйная зона», а таксама земляў садаводчых таварыстваў і дачных каапэратываў.

Сакратар Рады нацыянальнай бясьпекі і абароны Ўкраіны Аляксандар Турчынаў заявіў, што біямэтрычны кантроль для замежнікаў на мяжы павінен запрацаваць не пазьней за 1 студзеня 2018 году.

Судзьдзя Сьветлагорскага раённага суду Руслан Царук прызнаў гомельскага журналіста-фрылансэра Кастуся Жукоўскага вінаватым у незаконным вырабе прадукцыі СМІ без акрэдытацыі для тэлеканалу «Белсат» і пакараў яго штрафам у памеры 50 базавых велічыняў, што складае 1150 рублёў.

Падзеі ў Беларусі і сьвеце, на якія зьвярнула ўвагу Свабода 10 ліпеня.

Такую заяву прэзыдэнт Украіны зрабіў на супольнай прэс-канфэрэнцыі ў Кіеве з генэральным сакратаром NATO Енсам Столтэнбэргам.

Прыхаджанка, прэсавы сакратар Менскай эпархіяльнай управы і спартовец камэнтуюць для Свабоды справу Бурыкіна.

Нямецкая кампанія Siemens пацьвердзіла, што як мінімум дзьве газавыя турбіны яе вытворчасьці нелегальна трапілі ў анэксаваны Расеяй Крым.

Міністэрства абароны Грузіі аб’явіла пра пачатак паэтапнай замены ва ўзброеных сілах аўтаматычнай зброі савецкай і расейскага вытворчасьці на амэрыканскія аналягі.

11 ліпеня суд Савецкага раёну Менску разгледзіць пазоў ЖРЭУ да Беларускага ПЭН-цэнтру. Жыльлёва-рамонтнае эксплюатацыйнае ўпраўленьне Савецкага раёну выстаўляе прэтэнзіі ПЭН-цэнтру за нямэтавае выкарыстаньне жылога памяшканьня пад офіс.

У Адэсе затрымалі падазраванага ва ўдзеле ў масавых беспарадках 2 траўня 2014 году, які хаваўся ад сьледзтва.

Генэральны сакратар Міністэрства замежных справаў Нідэрляндаў Яганна Брант 10 ліпеня паўдзельнічала ў адкрыцьці аддзяленьня амбасады гэтай краіны ў Менску.

10 ліпеня 1991 году Барыс Ельцын стаў прэзыдэнтам Расеі. Незадоўга да таго ён выступіў у Кіеве і заявіў: «Нашыя адносіны могуць будавацца толькі на прынцыпе роўнасьці. Я катэгарычна адпрэчваю абвінавачваньні, што Расея прэтэндуе на асаблівую ролю і імкнецца стаць цэнтрам новай імпэрыі».

«Пасьля сустрэчы з роднымі ахвяр выкінула ўсе ранейшыя эскізы», — як прымусіць людзей адчуваць чужы боль, расказвае Радыё Свабода менская мастачка Стася Сакалоўская.

На плятформе «Улей» трэці тыдзень працягваецца збор сродкаў на новую кніжную сэрыю «Амэрыканка», якая аб’ядноўвае кнігі аўтараў Паўночнай Амэрыкі ХХ і ХХІ стагодзьдзя.

Праваабарончы цэнтар «Вясна» зьвярнуў увагу на тое, што ў «справе патрыётаў» перасьлед фігурантаў за «падрыхтоўку масавых беспарадкаў» быў спынены, але не была спыненая сама справа аб «падрыхтоўцы масавых беспарадкаў», ад якой раней адмовіўся КДБ.

У Кракаве з 2 па 12 ліпеня адбываецца 41-я сэсія Камітэту ўсясьветнай спадчыны UNESCO — спэцыялізаванага агенцтва ААН. Камітэт разгледзеў заяўкі на ўключэньне 33-х аб’ектаў у Сьпіс усясьветнай спадчыны, а таксама ацаніў стан захаванасьці 99-ці аб’ектаў усясьветнай спадчыны і 55-ці аб’ектаў у Сьпісе ўсясьветнай спадчыны, якія знаходзяцца пад пагрозай.

У ніжнюю палату расейскага парлямэнту ўнесены законапраект аб адмене з 1 студзеня 2018 году нацыянальнага роўмінгу з Беларусьсю. Пра гэта паведамляе Інтэрфакс. Адпаведныя зьмены прапанавала група дэпутатаў ад ЛДПР.

Між горадам і вёскай у Беларусі існуе значны эканамічны разрыў. Доля беднасьці (рэальных даходаў, якія меншыя за пражытачны мінімум) у сельскіх раёнах складае 15–20%, вынікае са справаздачы Беларускага эканамічнага дасьледча-адукацыйнага цэнтру.

Сяргей Міхалок каротка і вобразна акрэсьліў праблему, якая існуе ў Беларусі ад даўніх часоў: беларускае — слабое, беларускае — неабароненае, беларускае — ахвярнае. Штосьці, з чым інстынктыўна ня хочацца мець справу, бо чалавека вабіць адваротнае — моцнае і пазытыўнае.

Кангрэсмэн з ЗША Крыс Сьміт, які напісаў усе тры рэдакцыі Акту аб дэмакратыі ў Беларусі і заяўляў, што «месца Лукашэнкі — у Міжнародным крымінальным судзе ў Гаазе», даў інтэрвію парталу Tut.by.