Новости за 21.07.2025

Кантэнт ютуб-каналу «Delfi Літва», які належыць аднайменнаму літоўскаму парталу навін — найбуйнейшаму анлайн-мэдыя ў гэтай балтыйскай краіне, у Беларусі прызнаны «экстрэмісцкімі матэрыяламі», вынікае з абноўленага сьпісу на сайце Міністэрства інфармацыі.

Міністры абароны Нямеччыны і Вялікай Брытаніі Борыс Пісторыюс і Джон Гілі 21 ліпеня на пасяджэньні Кантактнай групы па абароне Ўкраіны (фармат «Рамштайн») распавялі аб сумесным пляне ўзмацненьня ўкраінскай супрацьпаветранай абароны.

Прадпрымальнік яшчэ нядаўна спрабаваў канкураваць з сваімі былымі фабрыкамі.

Лукашэнка будзе дыстанцыявацца ад канфлікту паміж Азэрбайджанам і Расеяй, пры гэтым цешыцца ад таго, што Масква «атрымала па носе» — лічыць палітычны аналітык праграмы «Эхо Кавказа» Вадзім Дубноў.

Кіраўніка Фонда салідарнасьці «Байсол» Андрэя Стрыжака абвінавацілі ў тым, што ён высылаў беларускім актывісткам і праваабаронцам дыкпікі — фатаграфіі свайго палавога органа, піша «Эўрарадыё».

Каралеўскі палац у італьянскім горадзе Казэрта скасаваў выступ аркестра пад кіраўніцтвам расейскага дырыгента Валерыя Гергіева, які павінен быў адбыцца 27 ліпеня ў рамках фэстывалю UnEstate da Re.

У басэйне жылога комплексу Cala Alta у іспанскім Вільяхаясе знайшлі мёртвым былога супрацоўніка Дэпартамэнту па барацьбе з арганізаванай злачыннасьцю МУС Украіны Ігара Грушэўскага, паведамляе El Español са спасылкай на крыніцы.

Перамовы адбываліся ў кантэксьце пастаянных атак нелегальных мігрантаў зь беларускай мяжы.

За няпоўныя сем месяцаў Латвія прадухіліла на 37% больш выпадкаў парушэньня мяжы з боку Беларусі, чым за ўвесь 2024 год.

Пачаліся суды над затрыманымі ў справах так званых «дваровых чатаў», якія ўзьніклі ў 2020-м годзе. Ці можна казаць, што цяпер улады спрабуюць затрымаць як мага больш людзей пакуль ня выйшаў тэрмін даўнасьці па некаторых крымінальных артыкулах? Ці варта чакаць новых вызваленьняў і наколькі пасьпяховая асабістая дыпляматыя з тостамі за Лукашэнку і Трампа? Пра гэта ды іншае разважае Вольга Лойка – галоўная рэдактарка праекту Plan B і былая палітзьняволеная.

Пачаліся суды над затрыманымі ў справах так званых «дваровых чатаў», якія ўзьніклі ў 2020-м годзе.

У Міністэрстве лясной гаспадаркі Беларусі паведамілі аб накіраваньні на дапамогу ў Магілёўскую вобласьць 25 лесарубаў зь Берасьцейскай вобласьці. На 22 ліпеня абвясьцілі аранжавы ўзровень небясьпекі празь неспрыяльнае надвор’е.

Каля 50 чалавек, датычных да справы «Беларускага Гаюна», могуць знаходзіцца толькі ў Берасьцейскім СІЗА.

У 2024 годзе ў агульнай колькасьці назваў кніг, выдадзеных у Беларусі, беларускамоўных было толькі 12,5%.

Аляксандар Лукашэнка назваў прыярытэты супрацы Беларусі і Самарскай вобласьці.

Кіраўніца Службы вайсковай контравыведкі Нямеччыны Мартына Розэнбэрг заявіла аб росьце колькасьці выпадкаў шпіянажу і падрыўных дзеяньняў расейскіх спэцслужбаў.

Затрымліваюцца пасажырскія цягнікі ў Расеі.

Лукашэнка зноў загаварыў пра «справядлівыя цэны» і кантроль за іх ростам. Тым часам інфляцыя склала ўжо 7,3%, хоць у плянах уладаў было ня больш за 5%.

Згодна з інфармацыяй украінскіх вайскоўцаў, Расея атакавала Ўкраіну 426 ударнымі дронамі і 24 ракетамі, у тым ліку аэрабалістычнымі. Сродкі супрацьпаветранай абароны зьбілі ўсе ракеты і 200 дронаў.

Свабода вядзе храналёгію судоў, затрыманьняў, іншага перасьледу з палітычных матываў у Беларусі.

Пасьля перамоваў Аляксандра Лукашэнкі з спэцыяльным пасланьнікам прэзыдэнта Трампа Кітам Келагам і юрыстам Джонам Коўлам 21 чэрвеня вызвалілі 14 беларускіх палітвязьняў.

Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.

Падзеі 21 ліпеня ў Беларусі, сьвеце, гісторыі.