Казанда Кремль янында дусларын машина өстендә йөрткән ир-атны тоткарлаганнар
Казанда яшьләр автомобиль капотына һәм түбәсенә ятып йөргән. Соңрак видео Телеграм-каналларда чыкты. Бу кадрлар автоинспекторлар игътибарын җәлеп иткән.
Ведомство хезмәткәрләре ачыклаганча, бу хәл узган җомгада була. Mitsubishi автомобиле белән 26 яшьлек казанлы идарә иткән.
«Йөртүче гражданнарның тормышына һәм сәламәтлегенә куркыныч тудырган, юлда йөрү кагыйдәләрен тупас бозган», диделәр ведомствода.
Хокук бозучыга 4 беркетмә төзегәннәр.