«Татар-информ»ның фотографлары Рамил Гали һәм Солтан Исхаков бүләкләнде
«Татар-информ» мәгълүмат агентлыгы фотохәбәрчеләре Рамил Гали һәм Солтан Исхаков «Туган авылым» икенче республика фотоконкурсында призер булды. Бүләкләү тантанасы 27 сентябрьдә, Бөтендөнья туризм көнендә, шул ук исемдәге күңел ачу комплексында узды.
Фотографлар конкурска «Гаилә — традицияләр бишеге», «Сәнгать кешеләре», «Татарстан табигате» номинацияләрендә гариза бирде.
Рамил Гали «Аккош» фотосы белән «Сәнгать кешеләре» номинациясендә икенче урынны алды, аңа Татарстан мәдәният министры урынбасары Дамир Натфуллин бүләк тапшырды. Шулай ук фотограф «Татарстан табигате» номинациясендә кызыксындыру призына лаек булды. Бу дипломны Рамил Галигә Казахстан Республикасының Казандагы Генераль консулы Ерлан Искаков тапшырды.
Фото: © Рамил Гали
Мин «Аккош» фотосын 2023 елда республика хатын-кызлар ифтары вакытында ясадым. Модель кызлар кара киемдә утыралар. Ак киемле кыз - ифтарга килүчеләрнең берсенең кызы. Ул кызлар алдында бии иде, мин уңышлы кадр ясый алдым. Мин бу конкурска эшләремне җибәргәнемне дә онытканмын, әйтерсең бер ел элек, ә монда бүләкләделәр һәм безнең фотолардан күргәзмә оештырдылар», - дип сөйләде Рамил Гали «Татар-информ»га.
Солтан Исхаков «Татарстан табигате» номинациясендә өченче урынны алды. Татарстан Туризм буенча дәүләт комитеты рәисе Сергей Иванов аны диплом белән бүләкләде.
Фото: © Рамил Гали тарафыннан тәкъдим ителде