Роналдунинг трансферини блоклашди! — Бизга қўшилинг: ???? https://t.me/joinchat/AAAAADwt0NGCRoONT4f1_Q
“Челси” бош мураббийи Томас Тухель “Манчестер Юнайтед” ҳужумчиси Криштиану Роналдунинг трансферини блоклади. “Челси”нинг янги хўжайини Тодд Бёли ўзини вақтинчалик спорт директори вазифасини бажариш учун масъул қилиб тайинлаган. Тодд машҳур юлдуз трансферини амалга ошириб, клуб тарихида янги эра бошланганини шу тариқа нишонламоқчи эди. Тодднинг рўйхатига “Барселона”дан Френки де Йонг, “Бавария”дан Роберт Левандовски, ПСЖдан Неймар ва “Манчестер Юнайтед”дан Криштиану Роналду киритилганди. “Челси” президенти яқинда Роналдунинг агенти Жорже Мендеш билан трансфер масаласини муҳокама қилганди. Лекин Томас Тухель 37 ёшли ҳужумчини ўз жамоасига қўшишни истамади ва бу трансферни рад этди. Германиялик мутахассис янги мавсумда ҳужум чизиғида Раҳим Стерлинг, Кай Хавертц ва Рафинья Диас учлигидан фойдаланмоқчи.