Kyrgios ikkje i Laver Cup
Den australske tennisspelaren Nick Kyrgios har vore ein del av verdslaget i alle utgåvene av Laver Cup tidlegare. I år skal han derimot ikkje delta.
Det stadfestar tennisstjerna i ein Instagram-story.
Han skriv at han vil bruke meir tid med familien og kjærasten sin. Kyrgios har delteke i dei fire tidlegare utgåvene av Laver Cup sidan oppstarten i 2017.
Tysdag vart det stadfesta at amerikanaren Jack Sock skal delta for verdslaget. Frå tidlegare har laget offentleggjort deltakinga til Felix Auger-Aliassime, Taylor Fritz og Diego Schwartzman.
Europalaget har stadfesta at Rafael Nadal, Roger Federer, Novak Djokovic og Andy Murray vil ta del i årets turnering.
Det er totalt seks spelarar som representerer kvart lag. Årets turnering skal haldast i London.